Kuli kuzibu bwenene kuli bantu banji omw’igulu lyoshi okuba n’ensaranga z’okuhikiriza bwinja amalagirire gabo lyo bagendekera balama, n’oko kugendekire kwadarhabala.

•   Kushimbana n’eraporo y’omw’igulu lyoshi ecizind’ihânwa, a “abantu bali baba n’obuhashe bw’okugula bintu bisungunu bwenene byone omu kukolesa ensaranga bali bapata.” Eyo raporo erhonzire oku akaba nta kantu kajijirwe, haba “lubero lunji egarhi k’abagale n’abakenyi” na “milala minji yaba n’akalamo kabi bwenene kulusha oku byali omu mango gagezire.”

 K’amaguvernema gahasha okuyusa ako kanga kazibu lugenda ensaranga erhi ciru okukakubûla?

 Ebibliya ehugwîre oku hali eguvernema egwerhe obuhashe bw’okuyusa amazibu goshi lugenda ensaranga kuhiramwo n’ag’abantu okuba bagale erhi bakenyi, yayish’inajira ntyo. Edesire oku “Nyamuzinda w’empingu, ayishiyimanza obundi bwami,” kuli kuderha guvernema nguma yayish’iyimangira igulu lyoshi n’ebijirwako. (Daniyeli 2:44) Idako z’eyo guvernema y’igulu lyoshi, ntaye wayish’iyibagirwa erhi kulekererwa. (Ennanga 9:18) Bacikala b’Obwami bwa Mungu bayish’iba na ngasi kantu balagirireko lyo baba n’omwishingo. Boshi bayish’ishagalukira amalehe minja g’emikolo yabo mizibu.​—Izaya 65:21, 22.