Eraporo y’Omulungano gw’Amashanja edesire ntya:

•   Kurhangira omu nsiku 7/10 kuhika omu nsiku 23/10/2023, bantu balushire 6 400 bafîre omw’ivita egarhi ka Gaza na Israheli na bantu 15 200 bayagalisire mw’er’ivita, banji mulibo bali bacikala. Na kandi, amagana g’ebihumbi by’abantu bayasire.

•   Kuhika omu nsiku 24/9/2023, bantu 9 701 bafîre omw’ivita egarhi ka Russie na Ukraine na bantu 17 748 bayagalisire mw’er’ivita.

 Bulangalire buhi Ebibliya ehîre balya boshi bali balibuka enyanya z’ivita?

 Ebibliya yalebire oku Mungu ‘afunga entambala z’omw’igulu lyoshi.’ (Ennanga 46:9, Mashi Bible) Akolesa oburhegesi bw’e mpingu, erhi bwami bwage, lyo burhegeka ahali h’amarhegesi goshi ga bene bantu. (Daniyeli 2:44) Obwami bwa Mungu bwayish’ilerhera abantu oburhulirize.

 Olole ebi Yezu Kristu, Mwami w’Obwami bwa Mungu, ayish’ijira:

•   “Aciza omukenyi oyakûzize, n’abagaraganda barhajira cirhabâla. Afa omuzamba n’omukenyi bwonjo, acize n’omugaraganda. Abakûla aha babafunyangîze n’omu malibuko.”​—Ennanga 72:12-14.

 Kugerera Obwami bwage, Mungu arhenzaho ehali mbi z’akalamo n’amalibuko galerhwa n’ivita n’obuminya.

•   “Ahôrhola ngasi mulenge gubali omu masu: olufû ntalwo lwacihabê; emishîbo n’endûlù n’amababale birhakacihabâ bundi; bulya okwâli burhanzi kwahwire.”​—Amafulûlo 21:4.

 Hano hofi-hofi Obwami bwa Mungu bwalerha empindulo omw’igulu. Ebibliya yalebire “ebirha n’emihigo y’ebirha” rhuli rhwabona byaba ene. (Mateyo 24:6) Ebyo n’ebindi bintu rhuli rhwabona ene biyerekine oku rhuli rhwalama omu “nsiku nzinda” z’oburhegesi bwa bene bantu.​—2 Timoteyo 3:1.