•   “Hofi enusu y’abantu bakulu b’e États-Unis, banakaciyumva bali kahumba, bwenene emisole ekola ekuzire yo elug’iciyumva ntyo.”​—Notre épidémie de solitude et d’isolement: Rapport du ministère américain de la Santé sur les bienfaits du lien social et de l’entourage, 2023.

•   “Ikubuliro ly’Okushibirira Amagala omw’Igulu Lyoshi, lyayalizize okuhirwaho kw’Omukolo gw’Okushibirira Olubaga, guyerekire eby’okuciyumva kahumba, lyanayerekana oku ago gali mazibu g’amagala gahûnyirwe okushibirirwa duba-duba. Lyayaliza obulagirire bw’okubaho kw’olushangi egarhi k’olubaga, n’okulonza ebyakayusa omu bihugo ago mazibu g’okuciyumva kahumba, ciru byakaba bihugo bikenyi birhagwerhi obuhashe bw’okugayusa byonene.”​—Ikubuliro ly’Okushibirira Amagala omw’Igulu Lyoshi, Nsiku 15/11/2023.

 Ebibliya ebamwo amahano minja bwenene gakarhurhabala rhucijirire abîra binja.

 Onyihye oku bintu birhuma waciyegula n’abandi. Kwa lwiganyo, obe masu lugenda okukolesa esite z’e Enternete z’okuganira na bantu banji okurhalusire olugero. Lubero n’oko, okalonza bintu bilebe wakajira haguma n’abandi busu oku busu, muli ntyo, wanacijirira abîra bw’okuli.

•   Akanuni k’Ebibliya: ‘Mwîra wa muntu abâ amuzigîre ngasi mango, kw’anabâ nka mwene wabo omuntu omu mbaka.’​—Emigani 17:17.

 Okalonza obulyo wakarhabalamwo abandi. Okujirira abandi aminja kurhazibuhya kone obwîra bwirhu, cikone kandi kunarhume rhwaciyumva bwinja ekandalala.

•   Akanuni k’Ebibliya: “Haba bushagaluke bunji omu kuhâna kulusha omu kuhâbwa.”​—Ebijiro by’Entumwa 20:35, NWT.

 Oje oku site yirhu ly’obona emyanzi eyimangire oku Bibliya yakakurhabala ocijirire abîra binja.