MUBE MASU!
Abasoma eby’Esiyanse Bali Bashegeza Omukuki gw’Ensa y’Olusiku lw’Okuhwa kw’Igulu—Bici Ebibliya Edesire Lugenda Oko?
Omu Nsiku 24/1/2023, abasoma eby’esiyanse baderha oku Ensa y’Okuhwa gw’Igulu a eri hofi n’akagarhi k’obudufu, n’oku akagarhi k’obudufu ko kashushanyize okuhwa kw’igulu.
“‘Ensa y’Okuhwa kw’Igulu’ eshushanyize obuhanya bwahikira bene bantu enyanya z’ebi bali bajira bonene. Abasoma eby’esiyanse bacibir’ishegeza omukuki gw’eyo nsa y’okuhwa kw’igulu enyanya z’ivita liri e Ukraine, oboba lugenda okukolesa amabombe nucléaire n’amazibu gali galerhwa n’okusherera kw’e cliamat.”—AFP International Text Wire.
“Lwa Kabirhi, abasoma eby’esiyanse bayerekine oku ‘Ensa y’Okuhwa kw’Igulu’ yashegezibwe segonde 90 embere z’aha kagarhi k’obudufu, k’okuderha oku okusherera kw’igulu kukola kuli hofi.”—ABC News.
“Ecigusho c’omw’igulu lyoshi c’abasoma eby’esiyanse cabwine oku bene bantu bali hofi bacishereze bone kulusha oku byali embere.”—The Guardian.
K’obuzinda bw’igulu n’obwa bene bantu bukola buli hofi? Ka rhushinganine rhuyobehe lugenda ebyaba omu mango gayisha? Bici Ebibliya edesire lugenda oko?
Ebyaba omu mango gayisha
Nk’oku Ebibliya eyerekine, ‘igulu . . . lyayorha lihaba,” hanali abantu ‘balibêrakwo ensiku n’amango.’ (Omuhanûzi 1:4, Mashi Bible, Ennanga 37:29) K’okuderha oku bene bantu barhakashereza igulu kuhika lihikire aha lirhakacilamwako.
Cikone, Ebibliya eganirire obuzinda. Kwa lwiganyo, edesire oku “igulu kugera lyagera.”—1 Yowane 2:17.
Ly’omanya binji lugenda ebi Ebibliya eba ehugwîre erhi eganirira obuzinda bw’igulu, osome omwanzi gudesire “K’Obuzinda bw’Igulu Buli Hofi? Apokalipse byo Bici?”
Ly’omanya ebi Ebibliya edesire lugenda ebiri byajirikana omw’igulu, osome omwanzi gudesire “Mwisho wa Ulimwengu Utakuja Lini?”
Ogendekere waba n’entanya nyinja
Ebibliya yanarhurhabala rhugendekere rhwaba n’entanya nyinja ciru akaba igulu lirimo mazibu manji. Gurhi yakarhurhabalamwo?
Ebibliya erhuhîre amahano g’obwenge. (2 Timoteyo 3:16, 17) Kwa lwiganyo, ly’obona gurhi Ebibliya yakakurhabala ly’ogendekera waba n’entanya nyinja ciru akaba oli wahikirwa n’amazibu omu kalamo, osome omwanzi gudesire “Jinsi ya Kudhibiti Wasiwasi.”
Ebibliya ehânyire obulangalire bwinja bw’amango gayisha. (Abaroma 15:4) Erhuhugûlire ebi rhwakalangalira ene n’omu mango gayisha byakarhurhabala rhugendekere rhwaba n’emisi ciru akaba igulu liyunjwire mazibu manji.
Ly’omanya binji lugenda Ebibliya rhukuhûnyire orhondere okuyiga Ebibliya haguma na nirhu buzira kuhâna kantu.
a “Ensa y’okuhwa kw’igulu eri nsa eyemirwe eyerekine gurhi igulu lirhu liri hofi lisherezibwe enyanya z’eby’eteknoloji bene bantu bone bali bajira. Eri nsa y’olwiganyo erhukengezize obuhanya buli hofi rhushinganine rhusegezeko obwenge lyo rhuyokola igulu hano lisherezibwa.”—Bulletin of the Atomic Scientists.
Olole n'Ebi Bikulikire
AMASHUZO G’EBIBLIYA
Ivita lya Armagedoni Byo Bici?
Liguma lyone oluderho Armagedoni lubonekine omu Bibliya, cikone ivita olo luderho luhugwîre, liganirirwe omu Mandiko.
ENYIGIRIZO Z'OMUSINGI Z'EBIBLIYA
Bulya Gurhi Nnamahanga Alekerire Amalibuko?
Ebibliya ehanyîre ishuzo ly’okunali kw’er’idoso.
ENYIGIRIZO Z'OMUSINGI Z'EBIBLIYA
Bici Byarhumâga Nnamahanga Alema Igulu?
Igulu lirhu liba linja bwenene. Nnamahanga alihizire kuli n’izuba, alilemire lyo liyunama, na kandi alilemeri likazunguluka okushinganine, bulya gurhi Nnamahanga alemire ebyo byoshi?
OKUBIRHUYEREKIRE
Obwire Abahamirizi ba Yehova Bakuyigirize Ebibliya
Obwire Abahamirizi ba Yehova bakulambagirire lyo muyiga emyanzi y’Ebibliya haguma, erhi okolese njira isharhu z’okuciyigiriza Ebibliya.
