“Ciru akaba endwala y’e Korona karhaciri kanga ka kushibirirwa duba-duba omu igulu lyoshi, rhurhashinganini rhurhanye oku nta yindi ndwala ndarhi yakahikira abantu omu igulu lyoshi. . . . Rhwanayemera n’obwalagale oku hayish’iba eyindi ndwala y’okuyahukira omu mango gayisha, rhunashinganine rhucirheganye kuli yo.”​—Dr. Tedros Adhanom Ghebreyesus, mwimangizi mukulu w’Ikubuliro ly’Okushibirira Amagala omw’Igulu Lyoshi, Nsiku 22/5/2023.

 Bantu banji bagendekire balwisa amazibu g’amagala n’ag’obukengere galerhagwa n’e Korona. K’amarhegesi n’amakubuliro gashibirira eby’amagala gacirheganyize oku yindi ndwala y’okuyahukira yakayisha omu mango gayisha, erhi ka kobinali gone ganarhurhabala okulwisa amazibu g’amagala?

 Ebibliya eganirire oburhegesi bwayish’ishibirira amagala ga bene bantu. Edesire oku “Nyamuzinda w’empingu ayishiyimanza obundi bwami,” erhi burhegesi. (Daniyeli 2:44) Idako ly’obo burhegesi, “nta mulungu waciderhe, erhi: ‘Ndi mulwala.’” (Izaya 33:24) Ngasi muntu ayish’ishagalukira okuba n’amagala minja n’emisi y’obusole.​—Ayubu 33:25.