Okulwisa entanya z’okuciyumva kahumba gabîre mazibu g’amagala abalenga omu by’amagala bahizire oku nafasi ntanzi omw’igulu lyoshi omu mwaka gwa 2023. K’eyo ntambala yanahimwa?

•   Vivek Murthy, Doktere Mukulu w’okubera omu États-Unis, adesire ntya: “Okuciyumva kahumba n’okuciyegula oku bandi kwanashereza bwenene amagala girhu n’ehali yirhu nyinja.” Cikone ayushwire ntya: “Rhugwerhe obuhashe bw’okulwisa ago mazibu.” Gurhi rhwakajiramwo ntyo? “Omu kukajira ebintu bisungunu-ngunu ngasi lusiku lyo rhuseza obwîra bwirhu haguma n’abandi.” a

 Arhali okuciyegula oku bandi kone kulerha entanya z’okuciyumva kahumba. Bantu baguma na baguma banaciyumva kahumba omu cigusho c’abantu. Ciru rhwakaciyumva kahumba enyanya za cirhumire cici, Ebibliya yanarhurhabala. Erimwo amahano gakarhurhabala okulwisa entanya z’okuciyumva kahumba omu kuseza obwîra bwirhu haguma n’abandi.

 Obe muntu wa kuganira bwinja. Oko kurhahizirimwo kone okubwira abandi entanya zawe cikone kandi kuhiziremwo okuba wa kuyumvirhiza bwinja. Erhi wakayeresa muntu mulebe oku osimisibwe naye kobinali, obwîra bwawe haguma naye bwanagendekera bwasera bwenene.

•   Akanuni k’Ebibliya: “Murhakag’ilonza ngasi muguma obunguke bwage yêne, ci ngasi muntu akalonza obunguke bw’abandi.”​—Abafilipi 2:4.

 Ocijirire abîra banji bali lubero. Obe mubidu okujira obwîra n’abantu bakulu kukulusha erhi barho kuli we erhi abagwerhe enkomedu ziri lubero erhi b’omu cihugo ciri lubero.

•   Akanuni k’Ebibliya: “Muyigule omurhima gwinyu gwoshi gwoshi.”​—2 Abakorinti 6:13.

 Ly’obona myanzi minji lugenda oku wakajiramwo obwîra busezire haguma n’abandi, osome ecigabi cidesire “Kutosheleza Tamaa Yetu ya Kuwa na Marafiki.”