Omu Nsiku 23/5/2023, mukulu muguma w’eby’amagala w’omu États-Unis arhonda abantu omu kuderha oku esite z’e enternete z’okuganira na bantu banji ziri zalerhera misole minji amazibu.

•   “Ciru akaba esite z’e enternete z’okuganira na bantu banji zanalerhera bana baguma na baguma n’abana b’omushuko obunguke, hali bintu binji biyerekine oku esite z’e enternete z’okuganira na bantu banji kandi zanalerhera abana n’abana b’omushuko amazibu madarhi g’obukengere n’ag’amagala.”​—Social Media and Youth Mental Health: The U.S. Surgeon General’s Advisory, 2023.

 Obo burhonde bwaganirire obusagasi buhugwîre bulya gurhi rhushinganine rhurhôle ako kanga kwa buzibu-zibu.

•   Abana b’omushuko bagwerhe myaka 12 kuhika 15 “bageza nsa zirhalusire 3 oku lusiku oku site z’e enternete z’okuganira na bantu banji bali omu murhego bwenene gw’okuba n’amazibu g’obukengere kuhiramwo n’okuvunika omurhima n’okuhangayika.”

•   Abana b’omushuko ba myaka 14, “bakolesa bwenene esite z’e enternete z’okuganira na bantu banji banalibuke bwenene enyanya z’okubula iro, okusezibwa kugerera e enternete, okuciyumva kubi lugenda oku omubiri gwabo guyorha, okucibona ba busha-busha, n’okuciyumva bavunisire omurhima bwenene. N’ebyo byoshi biri byahikira bwenene abanyere kulusha abarhabana.”

 Gurhi ababusi bakalangamwo abana babo kw’ago mazibu? Ebibliya ehanyire amahano gakarhabala.

 Mushibirire ebintu. Nka babusi, muganirire amazibu lugenda oko, munahige erhi omwana winyu ashinganine akolese esite z’e enternete z’okuganira na bantu banji erhi nanga.

•   Akanuni k’Ebibliya: “Oyigirize omwana wawe enjira ageramwo.”​—Emigani 22:6.

•   Ly’oyiga binji, osome omwanzi gudesire “Je, Mtoto Wangu Atumie Mitandao ya Kijamii?”

 Erhi wakayemerera omwana wawe okukolesa esite z’e enternete z’okuganira na bantu banji, obe masu lugenda amazibu gakahikira onagendekere walabiriza ebi omwana wawe akajira oku enternete. Gurhi wakajiramwo ntyo?

 Olange omwana wawe oku bintu byakamulerhera amazibu. Okomereze omwana wawe ly’akamanya n’okuyaka ebintu byakamulerhera amazibu.

•   Akanuni k’Ebibliya: “Obugonyi bôhe na ngasi bindi by’enshonyi n’amagene g’eby’en’igulu, ciru amazino gabyo garhakag’iderhwa ekarhi kinyu: . . . Nta kuganira eby’enshonyi, nisi erhi okuderha ebirhagwerhi nda na mugongo, erhi okushesa abandi n’ebinwa bibi.”​—Abefezi 5:3, 4.

•   Ly’obona amahano wakakolesa, osome omwanzi gudesire “Mfundishe Kijana Wako Kutumia Mitandao ya Kijamii kwa Njia Salama.”

 Ohireho emipaka. Kwa lwiganyo, ohireho amarhegeko lugenda kasanzi kahi na kanganaci omwana wawe akakolesa esite z’e enternete z’okuganira na bantu banji.

•   Akanuni k’Ebibliya: “Mumanye bwinja olugendo lwinyu; . . . mube barhimanya; mukolese bwinja amango muhirwe.”​—Abefezi 5:15, 16.

•   Okolese enfoto ncôre oku tablo Okolese n’Obwenge Esite z’Enternete z’Okuganira n’Abandi ly’orhabala omwana wawe ahugûkwe bulya gurhi kuli kwa bulagirire okuhiraho emipaka lugenda okukolesa esite z’e enternete z’okuganira na bantu banji.