Lwa Karhanu Nsiku 24/2/2023, omwaka gwayenera kurhenga ivita lirhondire e Ukraine. Nk’oku raporo nguma na nguma ziyerekine, hofi basoda 300 000 b’e Russie n’e Ukraine bafîre erhi kuyagalika na bacikala hofi 30 000 bafîre mw’er’ivita. Cikone omubale goshi gwanaba munji kulusha ogo guhânyirwe.

 Ebyokugayisa, birhabonekini nk’er’ivita lyahwa hano hofi-hofi.

•   “Kurhondera abasoda b’e Russie barhezire ecihugo c’e Ukraine, nta kantu koshi-koshi kayerekine oku er’ivita lyahwa hano hof-hofi. Nta kantu kayerekine oku hali abahima er’ivita, binali byabonekana oku ebyo bihugo byombi birhayumvikane lyo biyusa er’ivita.”​—NPR (National Public Radio), Nsiku 19/2/2023.

 Bantu banji bali baciyumva kubi bwenene enyanya z’amazibu n’amalumwa er’ivita n’agandi mavita gali garhuma abantu barhagwerhe magosa bahikirwa nago omw’igulu lyoshi. Bulangalire buhi Ebibliya ehânyire? Ka hali amango ivita lyanahwe?

 Ebibliya eganirire ivita lyayish’iyokola bene bantu ahali h’okubashereza. Eryo ivita linahamagalwe Harmagedoni, linaganirirwe nka “ntambala y’olusiku lukulu lwa Nyamuzinda Nn’amahanga goshi.” (Amafulûlo 16:14, 16) Kugerera er’ivita, Nnâmahanga ayish’iyusa amarhegesi ga bene bantu. Ago merhegesi galerhire abantu amavita g’okushereza. Ly’omanya gurhi Harmagedoni ayish’ilerha omurhûla gw’ensiku n’amango, osome eyi myanzi ekulikire:

•   “Ivita lya Armagedoni Byo Bici?”

•   “Armagedoni Ni Habari Njema!”