Yezu amanyire kunganaci abantu balibuka enyanya z’amaligo n’obubule bw’obushinganyanya. Ashobesirwe eby’obunywesi, ashurhwa omu njira erhayemerirwi n’irhegeko, ashwekwa n’okusambisibwa omu njira erhali ya bushinganyanya, atwirwa olubanja okurhashinganini, ananigwa omu njira y’amalumwa manji. Ciru akaba arhagwerhe igosa, buzira kucikaliza, ayemera okuhâna “obuzine bwage mpu lyo acungula banji.” (Mateyo 20:28; Yowane 15:13) Bulya ene ali Mwami w’Obwami bwa Mungu, hano hofi-hofi alerha obushinganyanya omw’igulu lyoshi n’okuyusa amaligo loshi-loshi.​—Izaya 42:3.

 Ebibliya eyerekine gurhi igulu lyayish’iyorha enyuma za Yezu okujira ntyo:

•   “Omubi hano kasanzi erhi arhacihali, n’erhi wakalola aha anali, orhàmubone. Abatûdu bo balya igulu balirya banayumve omurhûla munji-munji.”​—Ennanga 37:10, 11.

 Gurhi rhwakayerekanamwo oku rhuvuzire omunkwa kw’ebi Yezu arhujirire byoshi n’ebi acirhujirira? Omu Luka 22:19, Yezu abwizire abanafunzi bage bakakengera olufû lwage. Co cirhuma ngasi mwaka, erhi olusiku lw’okukengera olufû lwa Yezu luhika, Abahamirizi ba Yehova banarhimanane haguma. Rhukulalisire oyishe rhukengere haguma olufû lwa Yezu lw’Iyinga nsiku 24/3/2024.

Olonze aha Okukengera Olufû lwa Yezu kwajirirwa