AKAMPANYE K’OKULALIKA ABANTU AHA KUKENGERA OLUFÛ LWA YEZU
Yezu Ayish’iyusa Ivita
Amango Yezu ali hanw’igulu, ayeresire abantu buzigire bunji, ciru ahikira okuhâna obuzine bwage erhi bo barhuma. (Mateyo 20:28; Yowane 15:13) Hano hofi-hofi, acib’iyerekana obuzigire bwage oku bantu, omu kukolesa obuhashe bwage ye nka Mwami w’Obwami bwa Mungu ly’‘afunga entambala z’omw’igulu lyoshi.’—Ennanga 46:9, Mashi Bible.
Olole oku Ebibliya eganirire ebi Yezu ayish’ijira:
“Aciza omukenyi oyakûzize, n’abagaraganda barhajira cirhabâla. Afa omuzamba n’omukenyi bwonjo, acize n’omugaraganda. Abakûla aha babafunyangîze n’omu malibuko.”—Ennanga 72:12-14.
Gurhi rhwakayerekanamwo oku rhuvuzire omunkwa kw’ebi Yezu arhujirire byoshi n’ebi acirhujirira? Omu Luka 22:19, Yezu abwizire abanafunzi bage bakakengera olufû lwage. Co cirhuma ngasi mwaka, erhi olusiku lw’okukengera olufû lwa Yezu luhika, Abahamirizi ba Yehova banarhimanane haguma. Rhukulalisire oyishe rhukengere haguma olufû lwa Yezu lw’Iyinga nsiku 24/3/2024.
Olole n'Ebi Bikulikire
OKUKENGERA
Okukengera Olufû lwa Yezu
Rhukuyegerezize n’obushagaluke kw’eyo ntimanano y’obulagirire. Wahugûkwa gurhi obuzine n’olufû lwa Yezu byakakulerhera obunguke.
ENYIGIRIZO Z'OMUSINGI Z'EBIBLIYA
Obwami bwa Nnâmahanga Byo Bici?
Erhi Yezu aba ali omu mukolo gwage gw’amahubiri hanw’igulu, aganirîre Obwami bwa nnâmahanga kulusha eyindi myanzi. Hakola hali myaka minji abantu basalira ly’Obwami bwa Nnâmahanga buyisha.
OKUBIRHUYEREKIRE
Obwire Abahamirizi ba Yehova Bakuyigirize Ebibliya
Obwire Abahamirizi ba Yehova bakulambagirire lyo muyiga emyanzi y’Ebibliya haguma, erhi okolese njira isharhu z’okuciyigiriza Ebibliya.
