Bahamirizi 12 bagenda omu bwarho erhi bato omu mwaka gwa 2017, e Nicaragua hohi n’e Mosquito (Miskito). Eyo bato yabo yakag’ihamagalwa Sturi Yamni. Muguma wa mw’abo bene wirhu bali mw’eyo bato, adesire ntya: “Rhwali lonzinze rhucihâ Ahamirizi babà omu cikundi ciba omu eneo ya kuli omurhima, rhwanalilonzize okujiyalîza omwanzi mwinja mw’eyo eneo yabo nnene.”

 Abo Bahamirizi 12 bacidûma omu Luguna e Perlas, e Río Grande de Matagalpa oku bilometre 200. Bal’iyemire n’obwalagale okw’izino ly’e bato yabo kwali kuderha “mwanzi mwinja” omu lulimi lw’e Miskito, yakalesire buhamirizi bunji oku bantu balama oku burhambi-rhambi bw’olwishi lunene (fleuve) luba eyo. Buzinda bayezeka emunda bajaga, e Cruz de Río Grande, enyuma za lugenzi lwa nsa 12 buzira kuganja ensa bahumukaga budufu. Erhi bahika, bayegerezibwa na bahamirizi 6 ba mw’olo lugo.

 Mw’obo budufu, empusi ndarhi yayisha mw’eyo eneo. Enkuba y’amabuye ya nia eyo Río Grande de Matagalpa. Omu nsa nsungunu olwishi lwarhunda kuhika amîshi gabumba omu lugo, lwajijire nsiku ibirhi zoshi luli lwarhunda. Enyumpa y’Entimanano na nyumpa nyinji z’eyo La Cruz zafunikwa n’amîshi. Bene wirhu bayishaga mpu bali rhabala mw’eyo eneo barhondera barhabala abantu ba mw’olo lugo okukundûla amîshi n’omondo gwajaga omu nyumpa zabo. Banji ba muli bo bajijire zindi nsiku ibirhi omu nyumpa ya mwali wirhu muguma oku etaje.

 Obudufu bwa kasharhu, maire (mukulu w’evile) w’e La Cruz, ayishihûna Abahamirizi mpu bamurhabale. Sturi Yamni erya bato yabo yone yali gwerhe obuhashe bw’okugera mw’eyo fleuve ezo nsiku. Maire abahûna oburhabale bw’okuhêka ebikolanwa by’okujirhabala olundi lugo lw’eyindi ngambo enyumpa zali zafunikirwe n’amîshi. Abahamirizi bashagalukira okucihâna oburhabale bwabo eyo munda.

 Olusiku lwa kulikiraga, Bahamirizi basharhu bagenda haguma n’abantu bw’olo lugo bajig’ihâna oburhabale. Stephen adesire ntya: “Mw’olo lusiku amîshi g’e fleuve galikola gali gamapunguka. Emirhi yakundukaga n’e fleuve yali yunjwire ngasi hoshi, cikoki, e fleuve yacikagibonekana nk’eyacitomboka bulya empusi yakagihika oku bilometre 18 omu nsa nguma yone (18 kilomètres-heure).” Ciru akaba ago mazibu goshi, e bato yirhu yahika mw’olo lugo.

 Abo Bahamirizi 3 bakolesa obo bulyo omu kuha abantu ba mw’olo lugo oburhulirize balilagirireko. Bashubiba n’obulyo bw’okuhâ abantu egazeti Amuka! y’omu mwaka gwa 2017, ecirhwe cayo calishinganine ako kanga, cali desire ntya: “Wakati Musiba Unatokea—Hatuwa Zenye Zinaweza Kuokoa Uzima.”

 Ba cikala bamw’olo lugo bashagaluka bwenene enyanya z’oburhabale bw’omubiri n’obw’ekiroho Abahamirizi babahâga. Bantu baguma ba mw’olo lugo baderha ntya: “Abahamirizi bali babidu okuhâna oburhabale omu kasanzi k’obuhanya.” N’abandi baderha erhi: “Babà bazigire abalungu babo.” Enyuma z’okucibonera obushiru bw’Abahamirizi ba Yehova bw’okurhabala bene wabo n’abandi bantu, bantu banji ba mw’olo lugo barhondera bayumvirhiza emyanzi y’oburhulirize eba omu Bibliya Abahamirizi bahekera abantu.