Nanga. Ikubuliro lirhu lirhalabiriza efilime, ebitabu, erhi enyimbo zoshi lyo lihiga ebi rhushinganine rhuyake. Bulya gurhi ikubuliro lirhu lirhajira ntyo?

 Ebibliya ehîre ngasi muguma wirhu omurhima akakomereza ‘obuhashe bwage bw’okurhanya’ ly’amanya ebinja n’ebibi.​—Abahabraniya 5:14.

 Amandiko gahânyire amakanuni gakarhabala Omukristu acishoge bwinja eby’okucishagalula. a Omuhigo rhushinganine rhube nago omu ngasi kantu rhujira omu kalamo kirhu, kuli ‘kulongereza ebisimisa Nyakasane.’​—Abefezi 5:10.

 Ebibliya eyigirizize oku ebirhwe by’omulala bijira bukulu bulebe. Co cirhumire, banacishoga bintu bihi abantu b’omu mulala gwabo bashinganine bacishagalule nabyo n’ebi bashinganine bayake. (1 Abakorinti 11:3; Abefezi 6:1-4) Cikone, embuga z’omulala, ntaye oshinganine abwire abandi b’omu cigamba oku barhashinganini bayumvirhize muziki mulebe, okulaba filime ndebe erhi okushagalukira mushasi mulebe.​—Abagalasiya 6:5.