Bantu banji banabone omusalaba nka cimanyiso c’omw’igulu lyoshi c’Obukristu. Rhuba bakristu, cikoki rhurhakolesa musalaba omu nterekêro yirhu. Bulya gurhi rhurhagukolesa?

 Rhuhugûkwe bwinja oku, Yezu arhafâga oku musalaba cikoki afâga oku murhi. Kandi, Ebibliya ehîre abakristu er’irhegeko liyumvikine: “Muyâke okugashaniza enshushano,” k’okuderha oku omusalaba gurhakakolesibwa omu nterekêro.​—1 Abakorinti 10:14; 1 Yowane 5:21.

 Yezu aderha n’obwalagale ntya: “Ecimanyiso abantu boshi babonerekwo oku muli baganda bani, bwo buzigire mwazigirane.” (Yowane 13:34, 35) Yezu ayerekine oku obuzigire bone, bulya buzigire bwakashumya ciru omuntu ayemere okufîra owundi co cayishiba cimanyiso c’okumanya abakristu bw’okuli ci arhali omusalaba erhi ebindi bintu abantu bakagashaniza erhi kuharamya.