Okukengera Olufû lwa Yezu
Lwa Kalindarhu, Nsiku 12/4/2025
Liguma omu mwaka, Abahamirizi ba Yehova banakengere olufû lwa Yezu nk’oku arhegekaga erhi aderha ntya: “Mukâjira ntyo kube kukankengera.”—Luka 22:19.
Rhukulalisire k’olo lusiku lukulu.
Amadoso Galug’idosibwa
Kasanzi kanganaci eyo ntimanano yayish’ijira?
Yayish’ijira hofi nsa nguma.
Ngahi yayish’ijirirwa?
Olonze Abahamirizi ba Yehova bakuhugûlira binji.
Ka bihûnyire ndipe ensaranga lyo njamwo?
Nanga.
Ka banahûne entûlo?
Nanga. Abahamirizi ba Yehova barhahûna ntûlo omu ntimanano zabo.
Ka hali emyambalo yago-yago ehûnyirwe k’olo lusiku?
Ciru akaba nta myambalo yago-yago ehûnyirwe, Abahamirizi ba Yehova banaciseze okukulikira ihano ly’Ebibliya lihûnyire okuyambala omu njira y’obukenge na ya lugero. (1 Timoteyo 2:9) Emyambalo yawe erhahûnyiri ebe ya ngulo ndarhi.
Bici byayish’ijirwa aha Kukengera olufû lwa Yezu?
Eyo ntimanano enarhondere n’okuhwa n’olwimbo n’isala lijirwa na muguma w’omu Bahamirizi wa Yehova. Ecigabi c’obulagirire c’eyo ntimanano eba hotuba eyerekana obulagirire bw’olufû lwa Yezu na gurhi rhwakayunguka n’ebi Nnâmahanga na Kristu barhujirire.
Ly’omanya binji, osome omwanzi gudesire; “Bulya Gurhi Abahamirizi ba Yehova Bajira Ishega ly’Ebijingo lya Nnawirhu Lubero n’oku Agandi Madîni Gajira?”
Mangaci Okukengera olufû lwa Yezu kwacib’ijirwa?
2025: Lwa Kalindarhu, Nsiku 12, Mwezi gwa Kani
2026: Lwa Kani, Nsiku 2, Mwezi gwa Kani
Olole n'Ebi Bikulikire
OKUKENGERA
Okukengera Olufû lwa Yezu
Rhukuyegerezize n’obushagaluke kw’eyo ntimanano y’obulagirire. Wahugûkwa gurhi obuzine n’olufû lwa Yezu byakakulerhera obunguke.
ENYIGIRIZO Z'OMUSINGI Z'EBIBLIYA
Bici Byarhumâga Yezu Afâ?
Nkaba wayumvirhe oku afîre erhi byaha birhu birhumire. Cikoki, gurhi olufû lwa muntu muguma lwakalerhera emiliyoni y’abantu obunguke?