Omu masambo gajiriragwa mwane wirhu omw’Itribinali ly’omu Districte y’e Lensky (République de Sakha) yatwa olubanja omu nsiku 31/3/2020. Prokirere ahûna oku mwene wirhu ashwekwe myaka 7.

Omu mwezi gwa 2, 2018, itribunali ly’omu vile y’e Iakoutsk yahâna oluhya oku ngasi ebi Mwene wirhu Ivashine akaganira oku telefone yage bikayumvikana n’abakulu. Enyuma ya myezi misungunu, abapolisi baja om nyumpa za Bahamamirizi munani, ekarhi k’ezo nyumpa, mwali eya Mwene wirhu Ivashine. Ye n’abandi Bahamirizi ba Yehova 21 bahêkwa oku posta y’abapolisi bajisambisibwa. Prokirere ahâna oluhya lw’okulonza kisiki ni kwale ly’ayishiyerekana oku Mwene wirhu Ivashine ali alunga okuboko ecigamba “cigwerhe olwimango lukali.”

Omu nsiku 20/11/2019, olubanja lwagaluka omu biro bya prokirere, bulya barhabonaga bintu binji byakarhumire mwene wirhu ashwekwa. Prokirere ashubihêka olo lubanja omw’itribinali ly’omu districte. Amasambo garhondera mwezi gwa 2, 2020.

Mwene wirhu Ivashine na mukage Natalia bagwerhe banyere babirhi. Omu kasanzi olubanja lwa mwene wirhu Ivachine lukola luyerekire ebuzinda, rhugendekire rhwasalira Yehova arhabale ye n’omulala gwage “bahashilembera amalibuko goshi n’oburhwali.”​—Abakolosi 1:11.