Omu Lusiku 1/4/2020, e tribunali y’e districte y’e Lensky (République de Sakha) ya twira Mwene wirhu Igor Ivashine olubanja oku ajira myaka ndarhu omu mpamikwa buzira kushwekwa erhi buyemere bwage burhuma. Enyuma z’okutwirwa olubanja n’etribinali, agaluka emwage. Cikone, ngasi nsa anashwekwa erhi bakanaderha oku anavunyire irhegeko lyahizirweho ly’okurhacijira enterekêro yage nk’oku binashinganine. Mwene wirhu Ivashine akolaga ahêka olo lubanja handi-handi balole erhi ashinganine oko.