බයිබලය කියවලා අධ්‍යයනය කරන එක ‘JW ලයිබ්‍රරි’ ඇප් එකේ ප්‍රධාන අංගයක්.

බයිබල් ඩවුන්ලෝඩ් කරලා පිළිවෙළට සකසාගන්න මේ උපදෙස් පිළිපදින්න:

•  බයිබලයක් ඩවුන්ලෝඩ් කරන්න

•  බයිබලයක් ඩිලීට් කරන්න

•  බයිබලයක් අප්ඩේට් කරගන්න

විවිධ බයිබල් පරිවර්තන ඩවුන්ලෝඩ් කරගෙන ඕෆ්ලයින් ඉද්දී ඒවා කියවන්න සහ අධ්‍යයනය කරන්න ඔයාට පුළුවන්.

• ස්ක්‍රීන් එකේ උඩින්ම තියෙන බාර් එකේ බයිබලය කියන ටැබ් එක ටැප් කරලා පොත් කියන ටැබ් එක ටැප් කරන්න. එතකොට බයිබල් පොත්වල ලැයිස්තුව ස්ක්‍රීන් එකේ දිස් වෙයි.

• ඇප් කමාන්ඩ්ස් බාර් එක ඕපන් කරලා භාෂා බට්න් එක ටැප් කළාම තියෙන ඔක්කොම බයිබල් දකින්න පුළුවන්. ඒ ලැයිස්තුවේ උඩින්ම තියෙන්නේ ඔයා වැඩියෙන්ම පාවිච්චි කරපු භාෂාවේ පරිවර්තනයි. භාෂාවේ නම හෝ පරිවර්තනයේ නම ටයිප් කරලා හොයන්නත් පුළුවන්. උදාහරණයකට ඉංග්‍රීසියෙන් “int” කියලා ටයිප් කළොත් ‘කිංඩම් ඉන්ටර්ලීනියර්’ කියන බයිබලයත් “port” කියලා ටයිප් කළොත් පෘතුගීසි භාෂාවෙන් තියෙන ඔක්කොම බයිබලුත් හොයාගන්න පුළුවන්.

• Cloud අයිකන් එක (වලාකුළක හැඩය ඇති) දිස් වෙන්නේ ඔයා ඩවුන්ලෝඩ් කරලා නැති බයිබල් පෙන්වන්නයි. ඒ වගේ බයිබලයක් උඩ ටැප් කරලා ඒක ඩවුන්ලෝඩ් කරගන්න. බයිබලය ඔයාගේ ඩිවයිස් එකට ඩවුන්ලෝඩ් වුණාම cloud අයිකන් එක නැති වෙලා යනවා. බයිබලය කියවන්න ආයේ සැරයක් ඒ බයිබලය උඩ ටැප් කරන්න.

ඔයාට ඕන කරන භාෂාවෙන් බයිබලයක් නැත්නම් වෙන වෙලාවක ආයෙත් බලන්න. මොකද, විටින් විට තවත් බයිබල් පරිවර්තන ඇප් එකට අපි එකතු කරනවා.

ඩවුන්ලෝඩ් කරගත්ත බයිබලයක් තවදුරටත් ඕනෙ නැත්නම් හෝ ස්පේස් ඉතුරු කරගන්න ඕනෙ නම් ඒක ඩිලීට් කරන්න පුළුවන්.

බයිබල් ඩවුන්ලෝඩ් කරගත්තාම ඒවාට විටින් විට ‘අප්ඩේට්ස්’ එනවා.