2017 ජනවාරි 18වෙනි බදාදා මධ්‍යම ඉතාලියේ ආබෘසෝ ප්‍රදේශයට හිම කන්දක් කඩා වැටුණා. නවාතැන් අරන් හිටපු 30දෙනෙක් එක්ක හෝටලයක් ඒ හිම කන්දට සම්පූර්ණයෙන්ම යට වුණා. ඒ දවසේම ප්‍රබල භූ කම්පන 4කුත් ඒ ප්‍රදේශයේ ඇති වුණා. ඒ හැම එකක්ම රික්ටර් මාපක 5.0කට වඩා වැඩියි. ඊට කලින් සතියේ ප්‍රදේශයට ඇද හැළුණු දරුණු හිම පතනය නිසා සහන සේවකයන්ගේ වැඩවලට බාධා ඇති වෙලා. නගර කිහිපයකම විදුලිය ඇනහිටිලා තියෙන නිසා ඒ නගරවලට යන්න විදිහකුත් නැහැ. පහුගිය අගෝස්තු මාසයේදී දරුණු භූමිකම්පාවක් ඇති වුණෙත් ඒ ප්‍රදේශයේමයි.

දැනට ලැබිලා තියෙන වාර්තාවලට අනුව කිසිම සාක්ෂිකරුවෙක්ට ජීවිත හානියක්වත් බරපතළ තුවාලවත් වෙලා නැහැ කියලයි ඉතාලියේ යෙහෝවා දෙවිගේ සාක්ෂිකරුවන්ගේ ශාඛා කාර්යාලයෙන් කිව්වේ. ඒ වුණත් දරුණු හිම පතනය සහ භූමිකම්පා සිදු වුණ ප්‍රදේශවල ඉන්න සාක්ෂිකරුවන් ළඟට යන්න ඔවුන් උත්සාහ කරමින් ඉන්නවා. ඒ ප්‍රදේශවල ඉන්න වැඩිමහල්ලන් සාක්ෂිකරුවන්ගේ පවුල්වලට අවශ්‍ය කෑම, වතුර, දර සහ අනිත් අත්‍යවශ්‍ය ද්‍රව්‍ය ලබා දෙමින් ඉන්නවා. ශාඛා කාර්යාලයෙනුත් සහනාධාර කටයුතු ගැන සොයා බලන අතරම අවශ්‍ය අමතර උපකාර සපයනවා.

මාධ්‍ය ප්‍රකාශකයන්:

ජාත්‍යන්තර: ඩේවිඩ් ඒ. සෙමොනියන්, මහජන තොරතුරු අංශය, විමසීම්: +1-845-524-3000

ඉතාලිය: ක්‍රිස්ටියන් ඩි බ්ලාසියෝ, +39-06-872941