ෆ්ලොරිඩාවල ෆෝර්ට් ලෝඩඩේල් - 2014 නොවැම්බර් 14වෙනිදා නිව් යෝර්ක් පැටර්සන්වල වොච් ටවර් අධ්‍යාපනික මධ්‍යස්ථානයේ හිටිය ඇමරිකානු සංඥා භාෂා පරිවර්තන කණ්ඩායම ෆ්ලොරිඩාවල ෆෝර්ට් ලෝඩඩේල්වල අලුත් පරිවර්තන කාර්යාලයට ගියා. 1995 ඉඳලා ඇමරිකානු සංඥා භාෂාවට බයිබලය සහ බයිබලය මත පදනම් පොත් පත් පරිවර්තනය කෙරුවේ පැටර්සන්වලදියි. පහුගිය මාස කීපයේදී ෆෝර්ට් ලෝඩඩේල්වල අලුත් කාර්යාල සහ රෙකෝඩිං ස්ටූඩියෝ හැදුවා. 2015 මැයි වෙද්දී ඒ අලුත් ස්ථානයේ ඇමරිකානු සංඥා භාෂාවේ පරිවර්තන වැඩ පටන්ගත්තා.

සාක්ෂිකරුවන්ගේ ඇමරිකානු සංඥා භාෂාවෙන් තියෙන වීඩියෝ jw.org වෙබ් අඩවියෙන් බලන්නත් DVD තැටි හැටියට ලබාගන්නත් පුළුවන්. ලෝකේ පුරා සභා 500කට වැඩි ගණනක සතිපතා පවත්වන රැස්වීම්වලදිත් අවුරුද්දකට දෙපාරක් පවත්වන එක්දින සමුළුවලදිත් වාර්ෂිකව පවත්වන තුන්දින සමුළුවලදිත් ඔවුන් ඒවා පාවිච්චි කරනවා.

ෆ්ලොරිඩාවල සාක්ෂිරුවන්ගේ ඇමරිකානු සංඥා භාෂා පරිවර්තන කණ්ඩායම සංවිධානය කරන ජොනතන් ගාල්වෙස් මෙහෙම කියනවා. “ඇමරිකානු සංඥා භාෂාව කතා කරන අයගේ උපන් රට, අධ්‍යාපනික පසුබිම මොකක් වුණත් අපි උත්සාහ කරන්නේ අපේ වීඩියෝ පහසුවෙන් තේරුම්ගන්න පුළුවන් විදිහට ලබා දෙන්නයි. රටවල් 45ක විතර ඇමරිකානු සංඥා භාෂාව කතා කරන අය ඉන්නවා. කතා කරන අයට වගේම බිහිරි අයටත් වෙනස් භාෂා ශෛලියන් තියෙනවා. දැන් අපේ පරිවර්තන කණ්ඩායම ඉන්නේ ඇමරිකානු සංඥා භාෂාව වැඩියෙනුත් විවිධ විදිහටත් පාවිච්චි කරන අය ඉන්න නගරයකයි.”

මිනිසුන්ගේ සංස්කෘතීන් හා භාෂාවන් පිළිබඳ උපාධිලාභී ෆ්‍රෑන්ක් බෙක්ටර් 2014දී වර්ජිනියාවේ රිච්මන්ඩ්වල ඇමරිකානු සංඥා භාෂාවෙන් පැවැත්වුව තුන්දින සමුළුවකට සහභාගි වුණා. ඔහු ඒකට සහභාගි වුණේ සංඥා භාෂාව කතා කරන අය සම්බන්ධයෙන් සමීක්ෂණයක් කරන්න. ඔහු මෙහෙම කියනවා. “බයිබල් පද සංඥා භාෂාවට හොඳින් පරිවර්තනය කරපු වීඩියෝ රිච්මන්ඩ්වල පැවැත්තුව සමුළුවේදී නිතර නිතර පෙන්නුව එකෙන් ඇමරිකානු සංඥා භාෂාවට පරිවර්තනය කරන්න ඔයගොල්ලන්ගේ සංවිධානය කොච්චර කැප වෙලා තියෙනවාද කියන එක පැහැදිලි වුණා. පාවිච්චි කරන සංඥා භාෂාවත් නියමයි! බයිබලය ඉතිහාසගත වුණ පොතක්. ඒක අපේ සමාජයට හුඟක් වටිනවා. ඒක සංඥා භාෂාවට පරිවර්තනය කරන්න සාක්ෂිකරුවන් ගත්ත වෑයම මම ගොඩක් අගය කරනවා. මගේ අදහස නම් අනිත් අයට වගේම බිහිරි අයටත් හොඳ පොත් පත් ලැබෙන්න අවස්ථාව සලසන්න ඕන කියන එකයි.”

ලෝකේ පුරා ඉන්න යෙහෝවා දෙවිගේ සාක්ෂිකරුවන්ගේ පරිවර්තන කණ්ඩායම් පොත් පත් සංඥා භාෂාවට පරිවර්තනය කරලා සංඥා භාෂා 80කින් විතර වීඩියෝ හැටියට සකස් කරලා නොමිලේ බෙදාහරිනවා. යෙහෝවා දෙවිගේ සාක්ෂිකරුවන් ‘JW ලයිබ්‍රරි සංඥා භාෂාව’ කියලා ඇප් එකකුත් හදලා තියෙනවා. ඒ නිසා jw.org වෙබ් අඩවියේ සංඥා භාෂාවෙන් තියෙන වීඩියෝ පහසුවෙන් ඩවුන්ලෝඩ් කරගන්නත් වර්ග කරගන්නත් ප්ලේ කරන්නත් පුළුවන්.

මාධ්‍ය ප්‍රකාශකයන්:

ජාත්‍යන්තර: ජේ. ආර්. බ්‍රවුන්, මහජන තොරතුරු අංශය, විමසීම්: +1 718 560 5000