බයිබල් සිද්ධීන්:

• උත් 24:1-4, 7—මහලු වයසේ හිටපු ආබ්‍රහම් තමන්ගේ පුතාට බොරු දෙවිවරුන්ට නමස්කාර කරපු කානානිවරුන් අතරින් බිරිඳක්ව හොයලා දුන්නේ නැහැ. යෙහෝවාට සේවය කරන බිරිඳක්ව ඊසාක්ට හොයලා දෙන්න එයා තීරණය කළා

• උත් 28:1-4—ඊසාක් එයාගේ පුතා යාකොබ්ට කිව්වා කානානිවරුන් අතරින් බිරිඳක්ව තෝරගන්නේ නැතුව යෙහෝවාට නමස්කාර කරන කෙනෙක්ව හොයාගන්න කියලා

බයිබල් සිද්ධීන්:

• 1රාජා 11:1-6, 9-11—සලමොන් දෙවියන් දුන්න අනතුරු ඇඟවීම් සැහැල්ලුවට අරන් විදේශික කාන්තාවන්ව විවාහ කරගත්තා. එයාලාගේ බලපෑම් හින්දා එයා බොරු දෙවිවරුන්ට නමස්කාර කළා. ඒ ගැන යෙහෝවාට ඇති වුණේ ලොකු කේන්තියක්

• නෙහෙ 13:23-27—යෙහෝවාට නමස්කාර කරපු නැති කාන්තාවන්ව විවාහ කරගත්ත ඊශ්‍රායෙල් පුරුෂයන් ගැන නෙහෙමියාට දැනුණේ යෙහෝවාට දැනුණ විදිහටමයි. ඒ නිසා එයා ඒ පුරුෂයන්ට තදින්ම අවවාද කරලා එයාලට හික්මවීමක් දුන්නා

බයිබල් සිද්ධීන්:

• 1සාමු 25:2, 3, 14-17—නාබල් හුඟක් පොහොසත් වුණත් එයා හරිම නපුරු, සැරපරුෂ කෙනෙක්. ඒකෙන් තේරෙනවා එයා අබිගායිල්ට හොඳ සැමියෙක් වුණේ නැහැ කියලා

• හිතෝ 21:9—ගැළපෙන්නේ නැති කෙනෙක්ව විවාහ කරගත්තොත් අපිට ඒ කෙනා එක්ක සතුටින්, සමාදානයෙන් ඉන්න බැරි වෙයි

• රෝම 7:2—විවාහ වුණාට පස්සේ කාන්තාවකට එයාගේ සැමියාගේ අධිකාරියට යටත් වෙන්න වෙනවා. ඒ නිසා ඥානවන්ත කාන්තාවක් කෙනෙක් එක්ක විවාහ වෙන්න කලින් ඒ ගැන හොඳට හිතලා බලන්න ඕනේ

බයිබල් සිද්ධියක්:

• හිතෝ 24:27—කෙනෙක් සැමියෙක් සහ තාත්තා කෙනෙක් වෙන්න කලින් ඉඳන්ම මහන්සි වෙලා වැඩ කරලා පවුලක් බලාගන්න පුළුවන් විදිහට දේවල් සැලසුම් කරන්න ඕනේ

බයිබල් සිද්ධීන්:

• රූත් 2:4-7, 10-12—රූත් වැඩ කරපු විදිහ, පවුලේ අයට සලකපු විදිහ, යෙහෝවා එක්ක එයාට තිබුණ බැඳීම, විශ්වාසවන්ත අය රූත් ගැන කියපු දේවල් බෝවස්ට උදව් වුණා රූත් මොන වගේ කෙනෙක්ද කියලා තේරුම්ගන්න

• රූත් 2:8, 9, 20—බෝවස් යෙහෝවාට හුඟක් ආදරේ කරපු, කරුණාවන්ත, ත්‍යාගශීලී කෙනෙක් කියලා රූත් තේරුම්ගත්තා

බයිබල් සිද්ධීන්:

• හිතෝ 5:18, 19—ආදරේ පෙන්නන්න කරන සමහර දේවල් කරන්න අවසර තියෙන්නේ විවාහ වුණාට පස්සේ විතරයි

• සල 1:2; 2:6—ෂූලම්මීය තරුණිය සහ එයාගේ පෙම්වතා එකිනෙකාට ආදරේ පෙන්නුවත් එයාලා අපවිත්‍ර හැඟීම් ඇවිස්සෙන විදිහට හැසිරුණේ නැහැ

• සල 4:12; 8:8-10—ෂූලම්මීය තරුණිය හරියට අගුලු දාලා තියෙන උයනක් වගේ. එයා එයාවම පාලනය කරගෙන හැසිරීම පවිත්‍රව තියාගත්තා

 බයිබල් සිද්ධීන්:

• උත් 21:8-12—සාරා කියපු දේ කරන්න ආබ්‍රහම් අකමැති වුණත් යෙහෝවා එයාට කිව්වා සාරා කියන දේට ඇහුම්කන් දෙන්න කියලා

• හිතෝ 31:10, 11, 16, 28—හොඳ බිරිඳක් ඉන්න ප්‍රඥාවන්ත සැමියෙක් එයාගේ බිරිඳව පාලනය කරන්න හදන්නෙවත් වැරදි හොයහොය ඉන්නෙවත් නැහැ. එයා බිරිඳව විශ්වාස කරනවා, අගය කරනවා

• එෆී 5:33—සැමියා තමන්ට ආදරේ කරනවා කියලා බිරිඳකට දැනෙන්න ඕනේ

බයිබල් සිද්ධීන්:

• හිතෝ 1:8; 1කොරි 7:4—දෙවියන් බිරිඳකට, අම්මා කෙනෙක්ට පවුල තුළ යම් අධිකාරියක් දීලා තියෙනවා

• 1කොරි 11:3—යෙහෝවාගේ සැලැස්මට අනුව සියලු බලැති දෙවියන් ඇරෙන්න අනිත් හැම කෙනෙක්ම කාට හරි යටත් වෙන්න ඕනෙ කියලා පාවුල් පෙන්නුවා

• හෙබ්‍රෙ 13:7, 17—සභාවේ ස්ත්‍රී පුරුෂ දෙගොල්ලන්ම පෙරමුණ අරන් වැඩ කරන සහෝදරයන් දෙන මඟ පෙන්වීම් කැමැත්තෙන්ම පිළිගන්න ඕනේ. එයාලට කීකරු වෙන්නත් ඕනේ

බයිබල් සිද්ධියක්:

• උත් 18:12; 1පේතෘ 3:5, 6—සාරා එයාගේ සැමියාට කොච්චර ගෞරව කළාද කිව්වොත් එයා හිතිනුත් ආබ්‍රහම්ට “ස්වාමියා” කියලා කිව්වා

බයිබල් සිද්ධීන්:

• උත් 24:62-67—අම්මා නැති දුක දරාගන්න රෙබෙකා එයාගේ සැමියාට උදව් කළා

• 1සාමු 25:14-24, 32-38—අබිගායිල් දාවිත්ට නිහතමානීව කතා කරපු නිසා එයාගේ හිතුවක්කාර සැමියාවත් ගෙදර හැමෝවමත් ආරක්ෂා කරන්න එයාට පුළුවන් වුණා

• එස්ත 4:6-17; 5:1-8; 7:1-6; 8:3-6—එස්තර් ආරාධනාවක් නැතුව දෙපාරක්ම රජ ඉස්සරහට ගියා. එයා ජීවිතේ ගැනවත් හිතන්නේ නැතුව එහෙම කළේ දෙවියන්ගේ සෙනඟව ආරක්ෂා කරන්න කියලා රජගෙන් ඉල්ලන්න