අවංක හදවත් තියෙන අය සත්‍යය ඉක්මනින්ම අඳුරගන්නවා කියලා යේසුස් කිව්වා. (යොහ. 10:4, 27) ඒ නිසා මිනිස්සුන්ට අපි කියලා දෙන්න ඕනෙ බයිබලයේ තියෙන සරල ඉගැන්වීම්. ඒකට “ඔයා දැනගෙන හිටියාද . . . කියලා?” නැත්නම් “ඔයා අහලා තියෙනවාද . . . කියලා?” වගේ ප්‍රශ්නයක් අහලා පටන්ගන්න. ඊටපස්සේ ඒකට ගැළපෙන බයිබල් පදය/පද පෙන්නලා පැහැදිලි කරන්න. බයිබලයේ සරල ඉගැන්වීමක් කියලා දෙද්දී අපි කෙනෙක්ගේ හදවතේ සත්‍යයේ බීජයක් පැළ කරනවා. දෙවියන්ට පුළුවන් ඒ බීජයට වර්ධනය දෙන්න.—1 කොරි. 3:6, 7.

•  අනාගතය

•  පවුල

•  දෙවියන්

•  යාච්ඤාව

•  යේසුස්

•  දෙවියන්ගේ රාජ්‍යය

•  දුක් කරදර

•  මරණය

•  ආගම්

 අනාගතය

1. 1. ලෝකේ වෙන දේවල්වලින්, මිනිස්සු වැඩ කරන විදිහෙන් තේරෙන්නේ ළඟදීම වෙනසක් වෙනවා කියලා.—මතෙ. 24:3, 7, 8; ලූක් 21:10, 11; 2 තිමෝ. 3:1-5.

2. 2. පොළොව කවදාවත් විනාශ වෙන්නේ නැහැ.—ගීතා. 104:5; දේශ. 1:4.

3. 3. පරිසරයට වෙලා තියෙන හානිය නැති කරලා ඒක තිබුණ තත්වයටම ගේනවා.—යෙසා. 35:1, 2; එළි. 11:18.

4. 4. ඉස්සරහට හැමෝම නිරෝගීව ඉන්නවා.—යෙසා. 33:24; 35:5, 6.

5. 5. ඔයාට පොළොවේ හැමදාටම ජීවත් වෙන්න පුළුවන්.—ගීතා. 37:29; මතෙ. 5:5.

 පවුල

1. 6. සැමියෙක් තමන්ටම ආදරේ කරනවා වගේ බිරිඳටත් ආදරේ කරන්න ඕනේ.—එෆී. 5:33; කොලො. 3:19.

2. 7. බිරිඳක් සැමියාට මුළු හදවතින්ම ගෞරව කරන්න ඕනේ.—එෆී. 5:33; කොලො. 3:18.

3. 8. සැමියායි, බිරිඳයි එකිනෙකාට විශ්වාසවන්තව ඉන්න ඕනේ.—මලා. 2:16; මතෙ. 19:4-6, 9; හෙබ්‍රෙ. 13:4.

4. 9. දෙමාපියන්ට ගෞරව කරනවා නම්, එයාලට කීකරු වෙනවා නම් දරුවන්ට සතුටින් ඉන්න පුළුවන්.—හිතෝ. 1:8, 9; එෆී. 6:1-3.

 දෙවියන්

1. 10. දෙවියන්ට නමක් තියෙනවා.—ගීතා. 83:18; යෙරෙ. 10:10.

2. 11. දෙවියන් ඔහුගේ අදහස් අපිට දැනුම් දෙනවා.—2 තිමෝ. 3:16, 17; 2 පේතෘ. 1:20, 21.

3. 12. දෙවියන් සාධාරණයි, හැමෝටම සලකන්නේ එකම විදිහට.—ද්වි. 10:17; ක්‍රියා 10:34, 35.

4. 13. දෙවියන්ට ඕනෙ අපිට උදව් කරන්න.—ගීතා. 46:1; 145:18, 19.

  යාච්ඤාව

1. 14. දෙවියන් කැමතියි අපි ඔහුට යාච්ඤා කරනවාට.—ගීතා. 62:8; 65:2; 1 පේතෘ. 5:7.

2. 15. යාච්ඤා කරන්නේ කොහොමද කියලා බයිබලයේ කියනවා.—මතෙ. 6:7-13; ලූක් 11:1-4.

3. 16. අපි නිතරම යාච්ඤා කරන්න ඕනේ.—මතෙ. 7:7, 8; 1 තෙස. 5:17.

 යේසුස්

1. 17. යේසුස් දක්ෂ ගුරුවරයෙක්. ඔහු දීපු මඟ පෙන්වීම් අදටත් ප්‍රයෝජනවත්.—මතෙ. 6:14, 15, 34; 7:12.

2. 18. අද ලෝකේ වෙන දේවල් යේසුස් කලින්ම කිව්වා.—මතෙ. 24:3, 7, 8, 14; ලූක් 21:10, 11.

3. 19. යේසුස් දෙවියන්ගේ පුතා.—මතෙ. 16:16; යොහ. 3:16; 1 යොහ. 4:15.

4. 20. යේසුස් සියලු බලැති දෙවියන් නෙමෙයි.—යොහ. 14:28; 1 කොරි. 11:3.

 දෙවියන්ගේ රාජ්‍යය

1. 21. දෙවියන්ගේ රාජ්‍යය කියන්නේ ස්වර්ගයේ තියෙන ඇත්ත ආණ්ඩුවක්.—දානි. 2:44; 7:13, 14; මතෙ. 6:9, 10; එළි. 11:15.

2. 22. ඉස්සරහට මිනිස් ආණ්ඩු වෙනුවට දෙවියන්ගේ ආණ්ඩුව පාලනය කරනවා.—ගීතා. 2:7-9; දානි. 2:44.

3. 23. මිනිස්සුන්ගේ ප්‍රශ්නවලට එකම විසඳුම දෙවියන්ගේ රාජ්‍යයයි.—ගීතා. 37:10, 11; 46:9; යෙසා. 65:21-23.

 දුක් කරදර

1. 24. දුක් කරදර ඇති කරන්නේ දෙවියන් නෙමෙයි.—ද්වි. 32:4; යාකො. 1:13.

2. 25. මේ ලෝකේ පාලනය කරන්නේ සාතන්.—ලූක් 4:5, 6; 1 යොහ. 5:19.

3. 26. ඔයාගේ දුක දෙවියන්ට දැනෙනවා.—ගීතා. 34:17-19; යෙසා. 41:10, 13.

4. 27. දෙවියන් ළඟදීම දුක් කරදර නැති කරනවා.—යෙසා. 65:17; එළි. 21:3, 4.

 මරණය

1. 28. මැරුණ අය කිසිම දෙයක් දන්නේ නැහැ. දුක් විඳින්නේ නැහැ.—දේශ. 9:5; යොහ. 11:11-14.

2. 29. අපිට උදව් කරන්නවත් අනතුරක් කරන්නවත් මැරුණ අයට බැහැ.—ගීතා. 146:4; දේශ. 9:6, 10.

3. 30. මැරුණ අයට ආයෙත් ජීවිතය දෙනවා.—යෝබ් 14:13-15; යොහ. 5:28, 29; ක්‍රියා 24:15.

4. 31. “මරණය නැත්තටම නැති වෙනවා.”—එළි. 21:3, 4; යෙසා. 25:8.

 ආගම්

1. 32. දෙවියන් හැම ආගමක්ම පිළිගන්නේ නැහැ.—යෙරෙ. 7:11; මතෙ. 7:13, 14, 21-23.

2. 33. දෙවියන්ට නමස්කාර කරනවා කියලා මවාපාන අය දෙවියන්ට පිළිකුල්.—යෙසා. 29:13; මීකා 3:11; මාක් 7:6-8.

3. 34. අවංක ආදරය තමයි සැබෑ ආගම අඳුරගන්න තියෙන ලකුණ.—මීකා 4:3; යොහ. 13:34, 35.