දෙවිගේ ප්‍රධානම සතුරා සාතන් නමැති යක්ෂයායි. ඔහු යෙහෝවාට විරුද්ධව කැරලිගැසූ ආත්ම මැවිල්ලක්. සාතන් යෙහෝවාට විරුද්ධව දිගටම සටන් කරන අතර මනුෂ්‍යයන්ට බොහෝ කරදර ඇති කරනවා. සාතන් දුෂ්ටයි. ඔහු බොරුකාරයෙක් මෙන්ම මිනීමරුවෙක්.—යොහන් 8:44.

වෙනත් ආත්ම මැවිලිත් දෙවිට විරුද්ධව කැරලිගැසීමට සාතන් සමඟ එකතු වුණා. බයිබලයේ ඔවුන්ව හඳුන්වන්නේ භූතයන් ලෙසයි. සාතන් මෙන්, ඔවුනුත් මනුෂ්‍යයන්ගේ සතුරන්. ඔවුන් පවා කැමති මනුෂ්‍යයන්ට රිදවන්නයි. (මතෙව් 9:32, 33; 12:22) යෙහෝවා සාතන්ව සහ ඔහුගේ භූතයන්ව සදහටම විනාශ කරන්න යනවා. මනුෂ්‍යයන්ට කරදර කිරීමට ඔවුන්ට තව ඉතිරිව ඇත්තේ ස්වල්ප කාලයයි.—එළිදරව් 12:12.

ඔබට දෙවිගේ මිතුරා වීමට අවශ්‍යද? එහෙම නම් සාතන්ට ඕනෑ දේවල් කිරීමෙන් ඔබ වැළකී සිටිය යුතුයි. සාතන් සහ භූතයන් යෙහෝවාට වෛර කරනවා. ඔවුන් දෙවිගේ සතුරන් වන අතර ඔවුන්ට අවශ්‍ය ඔබවත් දෙවිගේ සතුරෙක් කරන්නයි. ඔබට සතුටු කරන්න අවශ්‍ය යෙහෝවාවද නැතිනම් සාතන්වද කියා ඔබම තෝරාගත යුතුයි. ඔබට සදාකාල ජීවනය අවශ්‍ය නම් දෙවිගේ කැමැත්ත කිරීමට තෝරාගත යුතුයි. මනුෂ්‍යයන්ව රැවටීමට සාතන් බොහෝ උපායන් සහ ක්‍රම යොදාගන්නා අතර ඔහු බොහෝ මනුෂ්‍යයන්ව රවටා තිබෙනවා.—එළිදරව් 12:9.