ඔබ ප්‍රශංසා හා ගෞරව කරන මිතුරෙක් ඔබට සිටින විට ඔහු මෙන් වීමට ඔබ වෑයම් කරනවා. ‘යෙහෝවා යහපත්ය, අවංකය’ කියා බයිබලයේ පවසනවා. (ගීතාවලිය 25:8) දෙවිගේ මිතුරන් වීමට නම්, අප යහපත් මෙන්ම අවංක විය යුතුයි. “ප්‍රිය දරුවන්මෙන් [දෙවි] අනුව යන්නෝ වෙන්න” කියාත් “ප්‍රේමයෙන් හැසිරෙන්න” කියාත් බයිබලයේ පවසනවා. (එපීස 5:1, 2) එය කිරීමට මාර්ග කිහිපයක් පහත දක්වා තිබෙනවා.

අනික් අයට උපකාර කරන්න. ‘සියල්ලන්ටම යහපත්කම් කරන්න.’—ගලාති 6:10.

වෙහෙස වී වැඩ කරන්න. “සොරකම්කළාවූ අය තවත් සොරකම් නොකෙරේවා. ඒ වෙනුවට . . . තමාගේ අත්වලින් යහපත් වැඩක් කරමින් වීර්යකෙරේවා.”—එපීස 4:28.

ශාරීරිකව සහ සදාචාරාත්මකව පිරිසිදුව සිටීම. “මාංසයේද ආත්මයේද සියලු කිලුටුකම්වලින් අපම පවිත්‍රකර ගනිමින්, [දෙවි] කෙරෙහි භයින් යුක්තව, ශුද්ධකම සම්පූර්ණකරගනිමු.”—2 කොරින්ති 7:1.

 ඔබේ පවුලේ අයට ප්‍රේමයෙන් සහ ගෞරවයෙන් සලකන්න. “නුඹලා එක් එක්කෙනාත් තම තමාට මෙන් තම තමාගේ භාර්යාවට ප්‍රේමකරන්න; භාර්යාවද පුරුෂයාට භයපක්ෂව [ගැඹුරු ගෞරවය ඇතුව, NW] සිටින්ට බලාගනීවා. දරුවෙනි, නුඹලාගේ දෙමවුපියන්ට . . . කීකරුවෙන්න.”—එපීස 5:33–6:1.

එකිනෙකාට ප්‍රේමය පෙන්වන්න. ‘එකිනෙකාට ප්‍රේම කරමු. මක්නිසාද ප්‍රේමය දෙවිගෙන්ය.’—1 යොහන් 4:7.

රටේ නීතියට කීකරු වෙන්න. ‘හැමදෙනාම [ආණ්ඩුවට] යටත් විය යුතුයි. සියල්ලන්ට දෙන්ට යුතු දේ දෙන්න. අයබදු දෙන්න නිස්සාට අයබදු දෙන්න.’—රෝම 13:1, 7.