බයිබලයේ සඳහන් වෙන්නේ දෙවියන් මිනිසාට දුන් පණිවිඩයයි. අපේ ජීවිතය සාර්ථක කරගන්නේ කොහොමද කියලත් ඔහුගේ අනුමැතිය ලබාගන්න අපි කරන්න ඕනේ මොනවාද කියලත් බයිබලයේ සඳහන් වෙනවා. ඒ වගේම පහත සඳහන් ප්‍රශ්නවලටත් බයිබලයෙන් පිළිතුරු හොයාගන්න පුළුවන්.

බයිබලයට කුඩා පොත් 66ක් ඇතුළත්. එය හෙබ්‍රෙව්-ඇරමයික ලියවිල්ල (“පරණ ගිවිසුම”) සහ ග්‍රීක ලියවිල්ල (“අලුත් ගිවිසුම”) ලෙස කොටස් දෙකකට වෙන් කර තියෙන අතර ඒ හැම පොතක්ම පරිච්ඡේද සහ ඡේද වශයෙන්ද වෙන් කර තියෙනවා. බයිබල් පද සඳහන් කර තියෙන තැන්වල පොතේ නමට පසුව මුලින්ම තියෙන ඉලක්කමෙන් පෙන්වන්නේ පරිච්ඡේදයයි. ඊළඟට තියෙන ඉලක්කම හෝ ඉලක්කම්වලින් පෙන්වන්නේ එම පරිච්ඡේදයේ, ඡේදය හෝ ඡේදයි. උදාහරණයකට උත්පත්ති 1:1 කියද්දී ඉන් අදහස් කරන්නේ උත්පත්ති පොතේ 1වෙනි පරිච්ඡේදයේ 1වෙනි ඡේදයයි.