යේසුස් ස්වර්ග රාජ්‍යය ගැන මිනිසුන්ට ඉගැන්නුවා. දෙවිගේ නමට වෙලා තියෙන කැළැල ඉවත් කරන්න, දේවරාජ්‍යය පොළොවට එන්න, දෙවිගේ කැමැත්ත පොළොවේ වෙන්න කියලා යාච්ඤා කරන්නත් ඉගැන්නුවා. ඔයා දෙමාපියෙක් නම් ඒ යාච්ඤාවේ තේරුම දරුවාට කියලා දෙන්න. තමන් දෙවිට ළැදිව ඉන්න එක නවත්තන්න යේසුස් සාතන්ට ඉඩ දුන්නේ නැහැ. යේසුස් නියෝජිතයන්ව තෝරගත්තා. යේසුස් එක්ක ස්වර්ගයේ රජවරු විදිහට වැඩ කරන්න මුලින්ම තෝරගත්තේ එයාලව. සැබෑ නමස්කාරය ගැන යේසුස්ට මොන තරම් උනන්දුවක් තිබුණද කියලා පැහැදිලි කරන්න. මිනිසුන්ට උදව් කරන්න තිබුණු ආසාව නිසා යේසුස් අසනීප අයව සුව කළා, බඩගින්නේ හිටිය අයට කෑම දුන්නා, මැරුණු අයවත් නැවත නැඟිට්ටුවා. ඒ හැම දේකින්ම ඔහු පෙන්නුවේ දේවරාජ්‍යයෙන් මිනිසුන්ට ලැබෙන්න යන දේවල් ගැනයි.