අද මුළු ලෝකෙම ප්‍රශ්න ගැටලුවලින් පිරිලා. යුද්ධ, ස්වාභාවික විපත්, අසනීප, දුගීකම, අපරාධ වැනි හේතු නිසා මිනිසුන් ගොඩක් දුක් විඳිනවා. සමහරවිට ඔබත් යම් ප්‍රශ්නයක් නිසා දුක් විඳිනවා ඇති. එහෙමනම් අපේ දුක හොඳින්ම දැනෙන, අපට උපකාර කරන්න පුළුවන් කෙනෙක් ඉන්නවාද?

ඔව්. දෙවියන් මෙහෙම සහතික වෙනවා. “මවකට තම කිරි බොන දරුවාව අමතක කළ හැකිද? තම කුසේ දරා මෙලොවට බිහි කළ පුතාට ඇය අනුකම්පා නොකර සිටියිද? මවක තම දරුවාව අමතක කළත් මම කිසිදා ඔබව අමතක නොකරන්නෙමි.” a

ඒක අපිට මොන තරම් සහනයක්ද! මවක් තම බිලිඳාට දක්වන සෙනෙහසටත් වඩා වැඩි සෙනෙහසක් දෙවියන් අපිට පෙන්වනවා. ඔහු කවදාවත් අපිව අත්හරින්නේ නැහැ. දෙවියන් ගැන සැබෑ විශ්වාසයක් තියෙන අයට සතුටින් ජීවත් වෙන්න පුළුවන් කොහොමද කියලා දෙවියන් අපිට කියා දී තියෙනවා.

දෙවියන් ගැන සැබෑ විශ්වාසයක් තිබෙනවා නම් ප්‍රශ්නවලට සාර්ථකව මුහුණ දෙන්නත් බොහෝ ප්‍රශ්න මඟහරවා ගන්නත් පුළුවන්. ඒ වගේම මිත්‍රයෙක් වගේ කිට්ටු බැඳීමක් දෙවියන් එක්ක ඇති කර ගත හැකි නිසා, හිතේ සාමය හා සහනය අද්දකින්නත් පුළුවන්. ඒ විතරක් නෙවෙයි, අනාගතයේදී ලස්සන උයනක හැමදාම ජීවත් වීමේ ආශීර්වාදයත් හිමි වෙනවා!

සැබෑ විශ්වාසය කියන්නේ මොකක්ද? එය වර්ධනය කරගන්න පුළුවන් කොහොමද?