භූමිකම්පා, සුනාමි සහ ගිනි කඳු පිපිරීම් ඉන්දුනීසියාවේ නිතරම ඇති වෙනවා. ඒ වගේ විපතක් ඇති වුණාම සාක්ෂිකරුවන් ඉක්මනින්ම අනිත් අයට උදව් කරන්න පියවර ගන්නවා. විශේෂයෙන්ම සහෝදර සහෝදරියන් ගැන ඔවුන් හොයලා බලනවා. 2005දී ඇති වුණ දරුණු භූමිකම්පාවකින් නියාස් දූපතේ ලොකුම නගරය වන ගූනුංසිටලි මුළුමනින්ම වගේ විනාශ වුණා. ඒ ළඟම තියෙන දූපත්වල හිටපු සහෝදරයන් සහ ශාඛා කාර්යාලයෙන් ඉක්මනින්ම ඒ නගරයට සහනාධාර එව්වා. ඒ වගේම ඒ ප්‍රදේශයේ චාරිකා සේවක සහ ශාඛා කාර්යාල නියෝජිතයෙක් ඇවිත් විපතට පත් වුණ සහෝදරයන්ව දිරිගැන්නුවා. නියාස්වල ඉන්න වැඩිමහල්ලෙක් වන යුනිමන් හරෙෆ ඒ ගැන කිව්වේ මෙහෙමයි. “මිනිස්සු පුදුම විදිහට බය වෙලා හිටියේ. හැබැයි සහෝදරයෝ ඉක්මනින්ම අපි ගැන හොයලා බලලා උදව් කරපු නිසා අපි තනි වෙලා නෑ කියලා අපිට දැනුණා.”