යෝනා 2:1-10
2 යෝනා ඒ මත්ස්‍යයාගේ බඩේ සිටියදී තම දෙවි වන යෙහෝවාට යාච්ඤා කරමින්+
2 මෙසේ කීවේය.“මගේ දුකේදී මම යෙහෝවා දෙවිට හඬගැසුවෙමි.+ ඔහු මට පිළිතුරු දුන්නේය.+මිනී වළේ සිට උපකාරය ඉල්ලා මම කෑගැසුවෙමි.+ඔබ මට කන් දුන්නෙහිය.+
3 ඔබ මාව ගැඹුරු මුහුදට විසි කළෙහිය.+ජල ධාරා මාව වට කරගත්තේය.රළ පහර මාගේ හිසට උඩින් ගියේය.+
4 ‘ඔබට මාව නොපෙනී යන සේ ඈතින් ඈතට මාව ගසාගෙන ගියේය.+ඔබේ ශුද්ධ මාලිගාව මට නැවත දැකගන්න ලැබෙයිද’ කියා මම කල්පනා කළෙමි.+
5 රළ පහර මාව යට කරගත්තේය. ගැඹුරු මුහුදේ පතුලටම මා ගිලෙන්න පටන්ගත්තේය.+මුහුදු පැළෑටි මගේ හිස වටා එතුණේය.
6 මුහුදු පත්ලටම* මම කිඳා බැස්සෙමි.පොළොව මාව වසාගෙන සදහටම සිර කර තැබුවායයි මට සිතුණි.එහෙත් යෙහෝවා මාගේ දෙවියනි, ඔබ මාව මිනී වළෙන් මුදවා මාගේ ජීවිතය රැක දුන්නෙහිය.+
7 යෙහෝවා දෙවියනි, මරණය අබියස සිටියදී+ මට සිහි වූයේ ඔබ පමණය.+මම ඔබට යාච්ඤා කළෙමි. ඔබේ ශුද්ධ මාලිගාවේ සිට මාගේ යාච්ඤාවට ඔබ සවන් දුන්නෙහිය.+
8 බොරු දෙවිවරුන්ට නමස්කාර කරන සියල්ලෝ ප්‍රේමයේ* උල්පත වන ඔබව අත්හැර ගොස් ඇත.*+
9 එහෙත් ගැලවීම ලබා දෙන්නේ යෙහෝවා දෙවි වන ඔබ පමණි.+ ඒ නිසා මම ඔබට පොරොන්දු වූ සියල්ල එලෙසම ඉටු කරන්නෙමි.+මම ස්තුති ප්‍රශංසා දෙමින් ඔබට පුදපූජා ඔප්පු කරන්නෙමි.”+
10 පසුව යෝනාව ගොඩබිමට වමාරන ලෙස යෙහෝවා දෙවි මත්ස්‍යයාට අණ කළේය. එවිට ඌ යෝනාව ගොඩබිමට වැමෑරුවේය.+
