සලමොන්ගේ ගීතිකාව 1:1-17
1 ගීතිකා අතරින් අලංකාරවත්ම ගීතිකාව මෙයයි.+ මෙය ලියනු ලැබුවේ සලමොන් රජු විසින්ය.+
2 “ඔබ ඇවිත් මාව සිපගන්න.+ ඔබේ ආදරය වයින්වලටත් වඩා අගනේය.+
3 ඔබේ ඇඟ ගැල්වූ තෛලය සුගන්ධවත්ය.+ ඔබේ නාමය මට සුවයක් ගෙන දෙයි.+ එය හිස මත වත් කරන තෙල් මෙනි. ළඳුන් ඔබට ආදරය කරන්නේ ඒ නිසාය.
4 රජ මාව ඔහුගේ මන්දිරයට ගෙනැවිත් ඇත.+ අනේ, ඇවිත් මාව මෙතැනින් රැගෙන යන්න.+ අපි පලා යමු. අපි දෙදෙනා එකට ප්‍රීති වෙමු. ඔබට මා කෙරෙහි ඇති ආදරය ගැන කතා කරමු. ඔබේ ආදරය මට වයින්වලටත් වඩා අගනේය.+ ළඳුන් ඔබට ආදරය කිරීම පුදුමයක්ද!+
5 “යෙරුසලමේ ළඳුනේ,+ මම කේදාර්හි කූඩාරම්+ මෙන් කලු වුණත් සලමොන් රජුගේ කූඩාරම+ මෙන් ප්‍රියකරුය.
6 හිරු රශ්මිය වැදී මගේ සම කලු වී ඇති හෙයින් මාව හෙළා නොදකින්න. මගේම සහෝදරයෝ මා සමඟ උරණ වී මිදිවතු බලාගැනීමට මට අණ කළෝය. එහෙයින් මගේ මිදිවත්ත+ බලාගැනීමට මට කාලයක් නොලැබුණේය.
7 “මාගේ ආදරය දිනාගත් පෙම්වත,+ ඔබ බැටළුවන්ව ගෙන යන්නේ කොතැනටද කියා මට කියන්න.+ දහවලේ උන් වැතිර සිටින්නේ කොතැනද කියා මට කියන්න. එවිට සොවින් තැවෙන ළඳක් මෙන් බැටළු රැළවල් අතරේ ඔබව සොයමින් ඒ මේ අත යෑමට මට සිදු වන්නේ නැත.”
8 “තරුණියන් අතරේ රුවැත්තිය,+ ඔහු සිටින තැන ඔබ නොදන්නේ නම් බැටළුවන් ගිය මඟ දිගේ ගොස් එඬේරුන්ගේ කූඩාරම් අසල ඔබේ එළු පැටවුන්ට තණ කවන්න.”
9 “මාගේ සොඳුරිය,+ ඔබ පාරාවෝගේ රථවල බැඳ සිටින අශ්ව ධේනුවක් මෙන් ශෝභමානය.+
10 කඩා හැළෙන කෙස් කලඹ ඔබේ දෙකොපුල් හැඩ කරයි. ඔබ පැළඳි මුතු මාලය ඔබේ ගෙල සරසවයි.+
11 හිසේ පැළදීමට රන් පළඳනාවක්ද+ රිදී ආභරණද ඔබට සාදා දෙන්නම්.”
12 “මා රජු සමඟ හිඳගෙන සිටියත් මගේ සුවඳ විලවුන්වල+ සුවඳ විහිදී ගියේ+ මගේ පෙම්වතා වෙතටය.
13 මගේ පෙම්වතා මුළු රාත්‍රියේම මගේ ළයට+ තුරුලු වී සිටිනු ඇත. ඔහු මට සුවඳ ලාටු+ පිරුණු බඳුනක් මෙනි.
14 මගේ පෙම්වතා ඒන්-ගෙදී ප්‍රදේශයේ+ මිදිවතුවල වැවෙන මනරම් පඳුරක්* මෙනි.”+
15 “මාගේ පෙම්වතිය,+ ඔබ මොන තරම් ප්‍රියකරුද! ඔබ කොතරම් රූමත් ළඳක්ද! ඔබේ දෙනුවන් පරෙවියෙකුගේ දෙනෙත් මෙන් කාන්තිමත්ය.”+
16 “මාගේ හද දිනාගත් පෙම්වත, ඔබත් මොන තරම් කඩවසම්ද!+ කොතරම් ප්‍රසන්නද! අපේ යහන+ තණතිල්ලකි.
17 අපේ මැදුරේ වහල දේවදාර ගස්ය.+ එහි පරාල ජුනිපර් ගස්ය.
පාදසටහන්
^ මූ.අ., “හෙනා.”
