සලමොන්ගේ ගීතිකාව 7:1-13
7 “නොසැලෙන ළඳේ,+ වහන් පැළඳ සිටින ඔබේ දෙපා කොතරම් අලංකාරද!+ ඔබේ උකුළ දක්ෂ ශිල්පියෙකු විසින් සෑදූ ආභරණයක් මෙන් ඉතා ලස්සනය.+
2 ඔබේ නාභිය වටකුරු කුඩා බඳුනක් මෙනි. එය සැමවිටම වයින්වලින්+ පිරී තිබේවා! ඔබේ උදරය ලිලී මල්වලින් වට වූ+ තිරිඟු මෙනි.
3 ඔබේ පියයුරු නිවුන් මුව පැටවුන් මෙනි.+
4 ඔබේ ගෙල+ ඇත්දළින් නිමැවූ කුලුනක් මෙනි. ඔබේ දෙනුවන්+ හෙෂ්බොන් නගරයේ+ බාත්-රබ්බිම් දොරටුව අසල පිහිටි පොකුණු මෙනි. ඔබේ නාසය දමස්කය දෙසට මුහුණ ලා තිබෙන ලෙබනොන්හි ටැඹ මෙනි.
5 ඔබේ හිස කර්මෙල් කන්ද මෙනි.+ ඔබේ කෙස් කලඹ+ රත්නිල් පැහැගැන්වූ ලොම් මෙනි.+ කඩා හැළෙන ඔබේ වරලසට රජුගේ සිත ඇදී යන්නේය.+
6 මාගේ සොඳුරිය, ඔබ මොන තරම් ප්‍රියකරුද! මොන තරම් රූමත්ද! මිහිපිට ඇති කිසිවක් ඔබට සම කළ නොහැකිය.+
7 ඔබ අලංකාර ඉඳි ගසක් මෙනි.+ ඔබේ පියයුරු+ ඉඳිපොකුරු මෙනි.
8 ‘මම ඉඳි ගසට නැඟ එහි පල නෙළන්නෙමි’+ යයි කීවෙමි. ඔබේ පියයුරු මිදිපොකුරු මෙන්ද ඔබ හෙළන සුසුම් ඇපල් සුවඳ මෙන්ද වේවා!
9 ඔබේ මුව අගනා වයින් මෙන් සුමුදු වේවා!”+ “ඒ සුමුදු වයින්+ මගේ පෙම්වතාගේ දෙතොල තෙමාලන පිණිස ගලා යන්නේය.
10 “මගේ හිමිකාරයා මගේ පෙම්වතාය.+ ඔහුගේ එකම පැතුම මමය.+
11 මාගේ පෙම්වත, එන්න. අපි කෙතට යමු.+ මනරම් පඳුරු* අතරේ+ කල් ගෙවමු.
12 අපි හිමිදිරි උදෑසන නැඟිට, මිදිවතු බලන්න යමු. මිදිවැල් දලු ලා+ මල් පිපී+ ඇද්දැයි බැලීමටත් දෙළුම් ගස්වල මල් පීදී+ ඇද්දැයි බැලීමටත් අපි එහි යමු. එහිදී මම ආදර වදන් පවසමින් මගේ ආදරය ඔබට පෙන්වන්නෙමි.+
13 මැන්ඩ්‍රේක්* පලවලින්+ හමන සුවඳ දසත විහිදෙන්නේය. මාගේ පෙම්වත, කලින් රැස් කළ පලතුරුවලින්ද අලුත් පලතුරුවලින්ද සෑම වර්ගයකම හොඳම පලතුරු+ මම ඔබ වෙනුවෙන් අපේ දොරටු අසල රැස් කරගෙන සිටින්නෙමි.
