1 තෙසලෝනික 1:1-10
1 මේ ලිපිය ලියන්නේ පාවුල්, සිල්වානස්+ සහ තිමෝතිය.+ මෙය ලියන්නේ පියාණන් වන දෙවි සහ ස්වාමීන් වන යේසුස් ක්‍රිස්තුස් සමඟ එකට බැඳී සිටින+ තෙසලෝනිකවරුන්ගේ සභාව වෙතටය.
ඔබට දෙවිගේ මහත් කරුණාවත් සමාදානයත් ලැබේවා!+
2 දෙවිට යාච්ඤා කරන විට අප ඔබ ගැන සඳහන් කරන සෑම අවස්ථාවකදීම අපි දෙවිට ස්තුති කරන්නෙමු.+
3 ඔබ තුළ තිබෙන විශ්වාසය නිසා ඔබ කරන ක්‍රියාවන්ද+ ඔබේ ප්‍රේමය නිසා ඔබ දරන වෙහෙසද අපගේ ස්වාමීන් වන යේසුස් ක්‍රිස්තුස් කෙරෙහි ඔබට ඇති බලාපොරොත්තුව නිසා ඔබේ විඳදරාගැනීමද+ අපි අපගේ දෙවි සහ පියාණන් වන තැනැත්තා ඉදිරියෙහි නිරතුරුවම මතක් කරන්නෙමු.
4 දෙවිගේ ප්‍රේමය ලබන සහෝදරයෙනි, ඔහු ඔබව තෝරාගත් බව+ අප හොඳින් දන්නා කරුණකි.
5 මන්ද අප ඔබට ශුභාරංචිය දේශනා කළ විට පැවසූ දේවල් නිකම්ම වචනවලට පමණක් සීමා වූයේ නැත. එය ඔබ තුළ ප්‍රබල බලපෑමක් ඇති කළේය.+ දෙවිගේ බලය ඔබ අතරෙහි ප්‍රබලව ක්‍රියාත්මක වූ නිසා ඔබ තුළ ස්ථිර විශ්වාසයක් ඇති විය.+ ඔබේ යහපත වෙනුවෙන් අප කවර අන්දමේ සේවයක් කළාද+ කියා ඔබ හොඳින් දන්නහුය.
6 දෙවිගේ පණිවිඩය ලැබුණු ඔබට, බොහෝ පීඩාවලට මුහුණ දෙන්න සිදු වුණත්+ දෙවිගේ බලය නිසා ඔබ එය ප්‍රීතියෙන් පිළිගෙන+ අපවද ස්වාමීන්වද+ අනුකරණය කරන අය+ බවට පත් වී ඇත.
7 එමෙන්ම මැසිඩෝනියාවේ සහ ඇකේයාවේ සිටින යේසුස්ගේ අනුගාමිකයන් සියලුදෙනාට ඔබේ ආදර්ශය ප්‍රබල බලපෑමක් විය.
8 ඇත්තෙන්ම යෙහෝවා දෙවිගේ පණිවිඩයේ හඬ+ ඔබ මාර්ගයෙන් මැසිඩෝනියාවේද ඇකේයාවේද පැතිර ගොස් තිබෙනවා පමණක් නොව දෙවි කෙරෙහි ඔබට තිබෙන විශ්වාසය+ ගැනද සියලුදෙනාටම ආරංචි වී ඇත.+ ඒ හේතුව නිසා අපට ඒ ගැන තවත් කතා කිරීමට අවශ්‍ය නැත.
9 මන්ද අප මුලින්ම ඔබ අතරට පැමිණි ආකාරය ගැනද ඔබ ඔබේ දේවතා රූප අත්හැර+ දෙවි වෙතට හැරුණු ආකාරය ගැනද ඔවුහු නිතරම කතා කරති. ඔබ එසේ කළේ ජීවමාන+ මෙන්ම සැබෑ+ දෙවි කෙනෙකු වෙනුවෙන් වෙහෙස මහන්සි වී සේවය කිරීම සඳහාය.
10 එලෙසම ඔබ දෙවි වෙතට හැරුණේ මරණයෙන් නැඟිටුවනු ලැබූ+ දෙවිගේ පුත්‍රයා වන යේසුස් ස්වර්ගයෙන් පැමිණෙන තුරු+ බලා සිටීම සඳහාය.+ ඉදිරියේදී දෙවි තම උදහස වගුරුවන විට අපව ගලවන්නේ ඔහුය.+
