1 තෙසලෝනික 5:1-28
5 සහෝදරයෙනි, ඒ දේවල් සිදු වීමට නියමිත කාල වකවානු+ ගැන ඔබට ලිවීම සඳහා කිසි අවශ්‍යතාවක් නැත.
2 මන්ද යෙහෝවා දෙවිගේ දවස+ පැමිණෙන්නේ හරියටම රාත්‍රියේ පැමිණෙන සොරෙකු මෙන්+ බව ඔබ හොඳින් දන්නා කරුණකි.
3 ඒ අනුව ඔවුන්,+ “මෙන්න, සාමය+ සහ සුරක්ෂිතභාවය උදා වෙලා” කියා පවසමින් සිටින විට ගැබිනි මවකට ප්‍රසව වේදනාව ඇති වන්නා සේ+ නොදැනුවත්වම හදිසි විනාශයකට+ මුහුණ දීමට ඔවුන්ට සිදු වේ. එයින් ඔවුන් කිසි ලෙසකින්වත් ගැලවෙන්නේ නැත.+
4 නමුත් සහෝදරයෙනි, ඔබ අන්ධකාරයෙහි සිටින අය නොවේ.+ එහෙයින් හිරු උදා වීමෙන් අවදානමකට ලක් වන සොරෙකු මෙන් ඔබ ඒ දවසේදී අවදානමකට ලක් වන්නේ නැත.+
5 මන්ද ඔබ සියලුදෙනාම ආලෝකයේ දරුවෝ+ සහ දිවා කාලයේ පුත්‍රයෝය.+ අප රාත්‍රියටවත් අන්ධකාරයටවත් අයිති අය නොවේ.+
6 එහෙයින් සෙසු අය මෙන්+ අපි නිදාගෙන සිටිනවා වෙනුවට+ අවදිව සිටිමින්+ හොඳ සිහිකල්පනාවෙන් සිටිමු.+
7 නිදාගෙන සිටින අය+ එසේ කිරීමට පුරුදු වී සිටින්නේ රාත්‍රියේදීය.+ බීමත්කමින් වෙරි වන අයද සාමාන්‍යයෙන් රාත්‍රියෙහි වෙරි වෙති.
8 නමුත් දිවා කාලයට අයිතිව සිටින අපි, හොඳ සිහිකල්පනාවෙන් සිටිමු. එමෙන්ම විශ්වාසය+ සහ ප්‍රේමය ළයවැස්මක්+ ලෙසද අප ලබන ගැලවීම පිළිබඳ බලාපොරොත්තුව+ හිස්වැස්මක්+ ලෙසද පැළඳගෙන සිටිමු.
9 මන්ද දෙවි අපව තෝරාගත්තේ ඔහුගේ උදහසට ලක් වීමට නොවේ.+ ඒ වෙනුවට අපගේ ස්වාමීන් වන යේසුස් ක්‍රිස්තුස් මාර්ගයෙන්+ ගැලවීම ලබාගැනීමටය.+
10 ඔහු අප වෙනුවෙන් මිය ගියේ+ අප ජීවත්ව සිටියත් මරණය නමැති නින්දෙහි සැතපී සිටියත් ඔහු සමඟ ජීවත් වීමේ ප්‍රස්තාව අපට ඉදිරියේදී ලබා දීම සඳහාය.+
11 එහෙයින් ඔබ දැනටමත් කරමින් සිටින ආකාරයට+ දිගටම එකිනෙකාව සනසවමින් එකිනෙකාව ශක්තිමත් කරන්න.*+
12 සහෝදරයෙනි, ඔබ අතරෙහි වෙහෙසී වැඩ කරන, ස්වාමීන් වෙනුවෙන් ඔබ අතරෙහි පෙරමුණ ගෙන කටයුතු කරන,+ ඔබට උපදෙස් හා අවවාද ලබා දෙන අයව සුළු කොට නොතකන්න කියා ඔබෙන් ඉල්ලා සිටිමු.
13 එමෙන්ම ඔවුන් කරන සේවය නිසා ඔවුන්ට ඉමහත් ප්‍රේමයකින් ගෞරවය දක්වන්න කියාත් ඉල්ලා සිටිමු.+ එමෙන්ම එකිනෙකා සමඟ සමාදානයෙන් සිටින්න.+
14 එලෙසම සහෝදරයෙනි, නොහික්මුණු ආකාරයකින් කටයුතු කරන අයට උපදෙස් හා අවවාද ලබා දෙන්න කියාත්+ කලකිරී සිටින අයව සනසවන්න කියාත්+ දුර්වල වී සිටින අයට උපකාර කරන්න කියාත් සියලුදෙනා සමඟ බොහෝ ඉවසිලිවන්තකමින් කටයුතු කරන්න කියාත්+ ඔබට උනන්දු කිරීමට කැමැත්තෙමු.
15 කිසිවෙකුට තවත් කෙනෙකුට විරුද්ධව එකට එක කිරීමට ඉඩ නොතබන්න.+ එකිනෙකාටත් අන් සියලුදෙනාටත් නිතරම යහපත් වූ දේවල් කිරීමටද වගබලා ගන්න.+
16 නිතරම ප්‍රීතියෙන් සිටින්න.+
17 නොකඩවා යාච්ඤා කරන්න.+
18 සෑම දෙයක් සඳහාම ස්තුති දෙන්න.+ ක්‍රිස්තුස් යේසුස් සමඟ එකට බැඳී සිටින අය වන ඔබ සඳහා දෙවිගේ කැමැත්ත එයයි.
19 ඔබ තුළ දෙවිගේ බලය ක්‍රියාත්මක වීමට* තිබෙන ප්‍රස්තාවට බාධා ඇති වීමට ඉඩ නොදෙන්න.+
20 අනාවැකි කීම් හෙළා නොදකින්න.+
21 සෑම දෙයක්ම සෝදිසි කර බලා+ යහපත් දේ හඳුනාගෙන එය තදින් අල්ලාගන්න.+
22 සියලු ආකාර දුෂ්ටකමින් වැළකී සිටින්න.+
23 සමාදානයේ දෙවි+ ඔබව සම්පූර්ණයෙන්ම ශුද්ධ කරයි+ කියා ප්‍රාර්ථනා කරමු! සහෝදරයෙනි, අපගේ ස්වාමීන් වන යේසුස් ක්‍රිස්තුස් පැමිණ සිටින කාලයේදී* ඔබේ සිත්වල ආකල්පයද* සභාවක් ලෙස ඔබේ පැවැත්මද ශරීරයක් හා සමාන වූ ඔබ අතර ඇති බැඳීමද රැකගන්න. ඒ කිසිවක් තුළ කිසි දෝෂයක් හෝ කැළැලක් නොතිබිය යුතුයි.+
24 ඔබව කැඳවන තැනැත්තා තම පොරොන්දු විශ්වාසවන්තව ඉටු කරයි. අප කලින් සඳහන් කළ දේවල්ද ඔහු අනිවාර්යයෙන්ම ඉටු කරයි.
25 සහෝදරයෙනි, අප වෙනුවෙන් දිගටම යාච්ඤා කරන්න.+
26 සියලු සහෝදරයන්ව සෙනෙහසකින් සිඹගෙන ඔවුන්ට සුබ පතන්න.+
27 මා ස්වාමීන් ඉදිරියේම ඔබට කියන්නේ, මෙම ලිපිය සියලුම සහෝදරයන් ඉදිරියෙහි කියවිය යුතු බවයි.+
28 අපගේ ස්වාමීන් වන යේසුස් ක්‍රිස්තුස්ගේ මහත් කරුණාව+ ඔබට ලැබේවා!
පාදසටහන්
^ මූ.අ., “ගොඩනංවන්න.”
^ මූ.අ., “ගින්නක් සේ දැල්වීමට.”
^ පැමිණ සිටීම. ග්‍රීක බසින්, පරූසියා. උපග්‍ර. 7 බලන්න.
^ ග්‍රීක බසින්, නියුමා. උපග්‍ර. 3 බලන්න.
