ආමොස් 1:1-15
1 තෙකෝවා+ නගරයේ එඬේරුන් එක්ක හිටිය ආමොස්* ලියපු පණිවිඩයයි මේ. එයාට ඒ පණිවිඩය ලැබුණේ දර්ශනයක් මාර්ගයෙන්. ඒක ඊශ්‍රායෙල්වරු ගැන දැක්ක දර්ශනයක්. එයා ඒ දර්ශනය දැකපු කාලේ යූදා දේශයේ රජ වෙලා හිටියේ උසියා.+ ඊශ්‍රායෙල් දේශයේ රජ වෙලා හිටියේ යෝවාෂ්ගේ+ පුතා වුණ යෙරොබොවම්.+ ආමොස්ට ඒ පණිවිඩය ලැබුණේ භූමිකම්පාවට අවුරුදු දෙකකට කලින්.+
2 ආමොස්ට ලැබුණු පණිවිඩයයි මේ.
“යෙහෝවා සියොන්වල ඉඳන් සිංහයෙක් වගේ ගර්ජනා කරයි.යෙරුසලමේ ඉඳන් මහත් ශබ්දයකින් කතා කරයි.
එඬේරුන්ට අයිති තණබිම් හඬා වැලපෙයි.කර්මෙල් කඳු මුදුන වියළී යයි.”+
3 “යෙහෝවා දෙවියන් මෙහෙම කියනවා.‘“දමස්කයේ වැසියන් තුන් පාරක් කැරලිගැහුවා. හතර පාරක්ම කැරලිගැහුවා.*ඒ නිසා ඔවුන් ගැන ගත්ත තීරණය මම වෙනස් කරන්නේ නැහැ.යකඩ ලෑලිවලින් ධාන්‍ය මඩිනවා වගේ ඔවුන් ගිලියද් දේශයේ වැසියන්ට හිරිහැර කළා.+
4 ඒ නිසා මම හසායෙල්ගේ+ මාලිගාවට ගින්නක් එවනවා.ඒ ගින්නෙන් බෙන්හාදද්ගේ ශක්තිමත් බලකොටු+ අළු වෙලා යනවා.
5 මම දමස්කයේ දොරටුවල අගුල් කඩලා දානවා.+බිකත්ආවෙන්වල වැසියන්වත්බෙත්ඒදන් ඉඳන් පාලනය කරන* කෙනාවත් මම විනාශ කරනවා.සිරියාවේ වැසියන්ව වහලුන් විදිහට කිර් දේශයට අරගෙන යනවා.”+එහෙම කියන්නේ යෙහෝවා දෙවියන්.’
6 යෙහෝවා මෙහෙමත් කියනවා.‘“ගාසා නගරයේ වැසියන් තුන් පාරක් කැරලිගැහුවා.+ හතර පාරක්ම කැරලිගැහුවා.ඒ නිසා ඔවුන් ගැන ගත්ත තීරණය මම වෙනස් කරන්නේ නැහැ.වහලුන් විදිහට අරන් ගිය හැම කෙනෙක්වම+ ඔවුන් ඒදොම්වරුන්ගේ අතට භාර දුන්නා.
7 ඒ නිසා මම ගාසා+ නගරයේ පවුර විනාශ කරන්න ගින්නක් එවනවා.ඒ ගින්නෙන් ඒකේ ශක්තිමත් බලකොටු අළු වෙලා යනවා.
8 මම අෂ්දොද්+ නගරයේ වැසියන්වත්අෂ්කෙලොන්+ නගරයේ ඉඳන් පාලනය කරන කෙනාවත් විනාශ කරනවා.එක්‍රොන්+ නගරයේ වැසියන්ට මම පහර දෙනවා.ඉතුරු වුණ පිලිස්තිවරුන්වත් මම විනාශ කරනවා.”+එහෙම කියන්නේ ශ්‍රේෂ්ඨතම පාලකයාණන් වන යෙහෝවායි.’
9 යෙහෝවා මෙහෙමත් කියනවා.‘තීර්+ දේශයේ වැසියන් තුන් පාරක් කැරලිගැහුවා. හතර පාරක්ම කැරලිගැහුවා.ඒ නිසා ඔවුන් ගැන ගත්ත තීරණය මම වෙනස් කරන්නේ නැහැ.වහලුන් විදිහට අරන් ගිය හැම කෙනෙක්වම ඔවුන් ඒදොම්වරුන්ගේ අතට භාර දුන්නා.සහෝදරකම නිසා ඇති කරගත්ත ගිවිසුම ඔවුන් අමතක කළා.+
10 ඒ නිසා මම තීර් දේශයේ පවුර විනාශ කරන්න ගින්නක් එවනවා.ඒ ගින්නෙන් ඒකේ ශක්තිමත් බලකොටු අළු වෙලා යනවා.’+
11 යෙහෝවා මෙහෙමත් කියනවා.‘ඒදොම් දේශයේ වැසියන් තුන් පාරක් කැරලිගැහුවා.+ හතර පාරක්ම කැරලිගැහුවා.ඒ නිසා ඔවුන් ගැන ගත්ත තීරණය මම වෙනස් කරන්නේ නැහැ.ඔවුන් කඩු අරගෙන තමන්ගෙම සහෝදරයන් පස්සේ පන්නගෙන ගියා.+ඔවුන් වැඩ කළේ කිසි අනුකම්පාවක් නැතුව. ඔවුන් හිතක් පපුවක් නැතුව ලොකු කේන්තියකින්තමන්ගේ සහෝදරයන්ව ගොදුරක් වගේ දිගින් දිගටම ඉරලා දැම්මා.ඔවුන් කවදාවත් හිතේ තියෙන වෛරය අයින් කරගන්නේ නැහැ.+
12 ඒ නිසා මම තේමාන් නගරයට ගින්නක් එවනවා.+ඒ ගින්නෙන් බොෂ්රා නගරයේ ශක්තිමත් බලකොටු අළු වෙලා යනවා.’+
13 යෙහෝවා මෙහෙමත් කියනවා.‘“අම්මොන්වරු+ තුන් පාරක් කැරලිගැහුවා. හතර පාරක්ම කැරලිගැහුවා.ඒ නිසා ඔවුන් ගැන ගත්ත තීරණය මම වෙනස් කරන්නේ නැහැ.ඔවුන් තමන්ගේ දේශ සීමා පුළුල් කරගන්න අදහසින්ගිලියද් නගරයේ ගැබිනි මව්වරුන්ගේ බඩවල් කපලා දැම්මා.+
14 ඒ නිසා මම රබ්බා නගරයේ පවුරට ගිනි තියනවා.+ඒ ගින්නෙන් ඒකේ ශක්තිමත් බලකොටු අළු වෙලා යනවා.ඒ දවස යුධ ඝෝෂා නැඟෙන දවසක්.චණ්ඩ මාරුතයක් හමන දවසක්.
15 ඔවුන්ගේ රජවත් පාලකයන්වත්* වහලුන් විදිහට අරගෙන යනවා.”+
එහෙම කියන්නේ යෙහෝවා දෙවියන්.’
පාදසටහන්
^ තේරුම, “බරක්” හෝ “බරක් උස්සන් යනවා.”
^ ඒ කියන්නේ දමස්කයේ වැසියන් නිමක් නැතුව අපරාධ කළා.
^ මූ.අ., “රාජ යෂ්ටිය අතේ තියෙන.”
^ හෝ සමහරවිට, “රජගේ පුතාලාවත්.”
