ආමොස් 4:1-13
4 “සමාරියේ කන්ද උඩට වෙලා ඉන්න බාෂාන් දේශයේ එළදෙනුනි,මේ පණිවිඩයට සවන් දෙන්න.+අසරණයන්ට වංචා කරලා නැති බැරි අයව පාගලා දාන කාන්තාවෙනි,+‘අපිට බොන්න මත්පැන් ගෙනත් දෙන්න’ කියලා ඔබේ ස්වාමිපුරුෂයන්ට ඔබ කියනවා.
2 ශ්‍රේෂ්ඨතම පාලකයාණන් වන යෙහෝවා තමන්ගේ ශුද්ධකම සහතිකයක් විදිහට දීලා මෙහෙම දිවුරනවා.‘“බලන්න, ඔබව මස් කොකුවලින් ඇදගෙන යන දවසක් එනවා!ඉතුරු වෙන අයව බිළී කොකුවලින් ඇදගෙන යයි.
3 එදාට, පවුරේ කඩලා දාපු තැන්වලින් ඔබ එක් එක් කෙනාව නුවරෙන් එළියට අරන් යයි.ඔබව හර්මොන් දිහාවට වීසි කරලා දායි.” එහෙම කියන්නේ යෙහෝවා දෙවියන්.’
4 ‘ඊශ්‍රායෙල් ජනයෙනි, බෙතෙල්වලට ඇවිත් දූෂිත දේවල් කරන්න.*+ගිල්ගාල්වලටත් ගිහින් තව තවත් දූෂිත දේවල් කරන්න.+
හැම උදෑසනකම ඔබේ පූජා අරන් එන්න.+තුන්වෙනිදා දහයෙන් කොටස් ගේන්න.+
5 ස්තුති පූජාවක් විදිහට මුහුන් මිශ්‍ර කරපු රොටි පූජාසනය මත දවන්න.+ඔබ කැමැත්තෙන්ම ඔප්පු කරන පූජා ගැන ප්‍රසිද්ධියේ දැනුම් දෙන්න.
මොකද ඔබ කැමතිත් ඒ වගේ දේවල් කරන්නනේ.’එහෙම කියන්නේ ශ්‍රේෂ්ඨතම පාලකයාණන් වන යෙහෝවා දෙවියන්.
6 ‘ඔබේ සියලුම නුවරවල ඉන්න අයට මම බඩගින්නේ ඉන්න හැරියා.*හැම ගෙදරකම කෑම හිඟයක් ඇති වෙන්න සැලැස්සුවා.+එහෙම කරලත් ඔබ මං ගාවට ආයෙත් ආවේ නැහැ.’+එහෙම කියන්නේ යෙහෝවා දෙවියන්.
7 ‘අස්වැන්න නෙළන්න මාස තුනකට කලින්ඔබට වර්ෂාව දෙන එක මං නැවැත්තුවා.+
එක නගරයකට වැස්ස දුන්නත් තව නගරයකට වැස්ස දුන්නේ නැහැ.එක ඉඩමකට වැසි ලැබුණත් තවත් ඉඩමක් වැස්ස නැතුව වේළිලා ගියා.
8 නගර කිහිපයක වැසියෝ හරිම තිබහෙන්වැටිවැටී වතුර හොයාගෙන වෙන නගරයකට ගියා.+ඒත් ඔවුන්ට බොන්න ඇති තරම් වතුර තිබුණේ නැහැ.ඒ හැම දේම වෙලත් ඔබ මං ගාවට ආයෙත් ආවේ නැහැ.’+එහෙම කියන්නේ යෙහෝවා දෙවියන්.
9 ‘මම ඔබේ අස්වැන්න වියළි සුළඟකින් සහ දිලීර රෝගයකින් විනාශ කළා.+
ඔබ පලතුරු උයන් සහ මිදිවතු තව වැඩි කරගත්තා.ඒත් පළඟැටියන් ඇවිත් ඔබේ අත්තික්කා ගසුත් ඔලීව ගසුත් කාලා දැම්මා.+ඒ හැම දේම වෙලත් ඔබ මං ගාවට ආයෙත් ආවේ නැහැ.’+ එහෙම කියන්නේ යෙහෝවා දෙවියන්.
10 ‘මම ඊජිප්තුවට පහර දුන්නා වගේම වසංගතයකින් ඔබටත් පහර දුන්නා.+
මම ඔබේ තරුණයන්ව කඩුවෙන් මරලා+ ඔබේ අශ්වයන්ව පැහැරගෙන ගියා.+
ඔබට උහුලන්න බැරි තරම් දුගඳක් ඔබේ කඳවුරුවලින් හමන්න සැලැස්සුවා.+ඒත් ඔබ මං ගාවට ආයෙත් ආවේ නැහැ.’ එහෙම කියන්නේ යෙහෝවා දෙවියන්.
11 ‘මම සොදොම් සහ ගොමෝරා විනාශ කරපු විදිහටම+ ඔබවත් විනාශ කළා.
ඔබ හිටියේ ගින්නෙන් ඉවතට ඇදලා ගත්ත දර කැබැල්ලක් වගේ.ඒත් ඔබ මං ගාවට ආයෙත් ආවේ නැහැ.’+ එහෙම කියන්නේ යෙහෝවා දෙවියන්.
12 ඊශ්‍රායෙල් ජනයෙනි, මම ආයෙත් ඔබට ඒ විදිහටම දඬුවම් කරනවා.
ඒ නිසා ඔබේ දෙවියන් ඉස්සරහට එන්න දැන් ලෑස්ති වෙන්න.මොකද ඔබට දඬුවම් කරන්න මම අනිවාර්යයෙන්ම එනවා.
13 කඳු හැදුවෙත්+ සුළං හමන්න සැලැස්සුවෙත්+තමන්ගේ සිතුවිලි මිනිසුන්ට දැනුම් දුන්නෙත් කවුද?අරුණාලෝකය අඳුරට හරවන්නෙත්+කඳු හෙල් උඩින් ඇවිදන් යන්නෙත් කවුද?+ඔහුගේ නම, ස්වර්ගයේ සේනාවල දෙවියන් වන යෙහෝවායි.”
