ආමොස් 6:1-14
6 “තමන් ගැනම ලොකු විශ්වාසයකින් ඉන්න සියොන්වල අයට,සමාරියේ කන්ද මත සුරක්ෂිතව ඉන්න අයට+ මොන තරම් දරුණු විපතකට මුහුණ දෙන්න වෙයිද!ජාතීන් අතරින් උසස්ම ජාතිය වන ඊශ්‍රායෙල්වරුන්ගේ පාලකයන්ට,ඊශ්‍රායෙල් සෙනඟ පිහිට පතාගෙන යන පාලකයන්ට මොන තරම් දුක් වෙන්න වෙයිද!
2 කල්නේවලට ගිහින් බලන්න.
එතනින් ජනාකීර්ණ හමාත් නගරයට යන්න.+එතනින් බැහැගෙන ගිහින් පිලිස්තිවරුන්ගේ ගාත් නගරයට යන්න.
ඒ නගර ඔබේ රාජ්‍යයන්ට වඩා උසස්ද?ඔවුන්ගේ දේශය ඔබේ දේශයට වඩා විශාලද?
3 ඔබ විපත්ති දවස හිතින් අයින් කරලා+මැරවරකම් රජයන පාලනයක් ගේන්න හදනවාද?+
4 ඔවුන් රැළෙන් ගත්ත බැටළුවන්ගෙත් මහත වස්සන්ගෙත් මස් කකා+ඇත්දළවලින් අලංකාර කරපු යහන්වල සැතපෙනවා.+ අසුන්වල වැතිරිලා ඉන්නවා.+
5 වීණා හඬ ඇහෙද්දී ඔවුන් ගී පද රචනා කරනවා.+දාවිත් වගේ අලුත් අලුත් සංගීත භාණ්ඩ නිර්මාණය කරනවා.+
6 ඔවුන් විශාල බඳුන්වලින් වයින් බිබී,+ඉස්තරම්ම තෙල් ඇඟේ ආලේප කරගන්නවා.
ඒත් යෝසෙප්ගේ පෙළපතට වෙන විපත ගැන ඔවුන්ට ගාණක්වත් නැහැ.*+
7 ඒ නිසා මුලින්ම දේශයෙන් පිටමං කරන්නේ ඔවුන්වයි.+එතකොට සැපවත් ජීවිත ගත කරන ඔවුන්ගේ ඝෝෂාකාරී උත්සව අවසන් වෙයි.
8 ස්වර්ගයේ සේනාවල දෙවියන් වන යෙහෝවා මෙහෙම කියනවා.‘ශ්‍රේෂ්ඨතම පාලකයාණන් වන යෙහෝවා තමන්ගෙම නමින් දිවුරනවා.’+‘“යාකොබ්ගේ උඩඟුකම මට පිළිකුලක්.+ ඔහුගේ ශක්තිමත් බලකොටු මම හෙළා දකිනවා.+ඒ නගරයත් ඒකේ ඉන්න හැමෝවමත් ඒකේ තියෙන හැම දේමත් මම සතුරන්ට භාර දෙනවා.+
9 “‘“නිවසක දහදෙනෙක් ඉතුරු වුණත් ඔවුනුත් මැරෙයි.
10 ඔවුන්ගේ නෑදෑයෙක් ඇවිත් ඒ මළ සිරුරු නිවසින් එළියට අරන් ගිහින් ඒවා එකින් එක පුච්චලා දායි. ඒ විදිහට ඔහු ඔවුන්ගේ ඇටකටු නිවසින් එළියට අරන් යයි. ඊටපස්සේ ඔහු නිවස ඇතුළේ ඉන්න කෙනෙක්ගෙන් ‘තව කවුරු හරි ඔයා එක්ක ඉන්නවාද’ කියලා අහයි. ‘වෙන කවුරුත් නැහැ’ කියලා ඔහු කියයි. එතකොට ඒ නෑදෑයා ඔහුට මෙහෙම කියයි. ‘දැන් නිහඬ වෙන්න! යෙහෝවාගේ නම කියලා කන්නලව් කළාට දැන් වැඩක් නැහැ.’”
11 විශාල මන්දිර ගල් ගොඩක් වෙයි.කුඩා ගෙවල් දූවිලි ගොඩක් වෙයි.+මොකද එහෙම වෙන්න අණ කළේ යෙහෝවායි.+
12 අශ්වයන්ට පර්වතයක් උඩ දුවන්න පුළුවන්ද?ගවයන්ව පර්වතයක් උඩට අරන් ගිහින් සීසානවාද?
ඔබ යුක්තිය ඉටු කරන්නේ නැතුව ජනයාට හානියක් වෙන විදිහට ඔබේ බලය යොදාගන්නවා.*ඔබ ධර්මිෂ්ඨ දේ කරනවා වෙනුවට ජනයාට හිංසා පීඩා කරනවා.ඒ නිසා ඔවුන්ට ජීවිතය තිත්ත වෙලා.*+
13 ඔබ සතුටු වෙන්නේ වැඩකට නැති දේවලින්.ඒත් ඔබ කියනවා “අපි බලවත් වුණේ අපේම ශක්තියෙන්” කියලා.+
14 ඊශ්‍රායෙල් ජනයෙනි, මම ඔබට විරුද්ධව සෙනඟක් එවනවා.+ඔවුන් ලේබෝහමාත්*+ ඉඳන් අරබා නිම්නය* වෙන කල් මුළු පළාතම යටත් කරගෙන ඔබට පීඩා කරයි.’එහෙම කියන්නේ ස්වර්ගයේ සේනාවල දෙවියන් වන යෙහෝවායි.”
පාදසටහන්
^ මූ.අ., “වෙන විපත ගැන හිතලා අසනීප වුණේ නැහැ.”
^ මූ.අ., “යුක්තිය විෂ පැළෑටියක් කළා.”
^ මූ.අ., “ධර්මිෂ්ඨකමේ පල තිත්ත පැළෑටියක් කළා.”
^ හෝ, “හමාත්වල දේශ සීමාවේ.”
^ “පැහැදිලි කිරීමක්” බලන්න.
