එසකියෙල් 10:1-22
10 මම බලාගෙන ඉද්දී දැක්කා කෙරුබ්වරුන්ට උඩින් තිබුණ වේදිකාවට ඉහළින් නිල් මැණිකකට සමාන දෙයක් තියෙනවා. ඒක හරියට සිංහාසනයක් වගෙයි.+
2 ඊටපස්සේ ඔහු* ලිනන් ඇඳුම ඇඳගෙන හිටපු කෙනාට මෙහෙම කිව්වා.+ “රෝද අතරට+ ඒ කියන්නේ කෙරුබ්වරුන්ට යටින් තියෙන තැනට යන්න. ඔවුන් අතර දැල්වෙමින් තියෙන ගිනි අඟුරුවලින් අත් දෙක පුරවගන්න.+ ඊටපස්සේ ඒවා නගරයට වීසි කරන්න.”+ ඉතින් මං බලාගෙන ඉද්දීම ඔහු එතනට ඇතුල් වුණා.
3 ඔහු කෙරුබ්වරුන් අතරට යද්දී ඔවුන් හිටගෙන හිටියේ ගෘහයේ දකුණු පැත්තට වෙන්නයි. ඇතුල් මළුව වලාකුළකින් වැහිලා ගියා.
4 යෙහෝවාගේ තේජස+ කෙරුබ්වරුන් හිටපු තැනින් ඉහළට ගිහින් ගෘහයට ඇතුල් වෙන තැනට ආවා. මුළු ගෘහයම ටිකෙන් ටික වලාකුළෙන් වැහිලා ගියා.+ යෙහෝවා දෙවියන්ගේ තේජසේ දීප්තියෙන් මළුව ආලෝකවත් වුණා.
5 කෙරුබ්වරුන්ගේ පියාපත්වල හඬ පිටත මළුවට ඇහුණා. ඒ හඬ හරියට සියලු බලැති දෙවියන්ගේ හඬ වගෙයි.+
6 ඊටපස්සේ ඔහු ලිනන් ඇඳුම ඇඳගෙන හිටපු කෙනාට මෙහෙම අණ කළා. “රෝද අතර තියෙන ගින්දර ඒ කියන්නේ කෙරුබ්වරුන් අතර තියෙන ගින්දර ඔබේ අතට ගන්න.” ඒ කෙනා එතනට ඇතුල් වෙලා රෝදයක් ළඟ හිටගත්තා.
7 එතකොට එක කෙරුබ්වරයෙක් ඔවුන් අතර තියෙන ගින්නට තමන්ගේ අත දික් කළා.+ ඔහු තමන්ගේ අතට ගින්දර ටිකක් අරගෙන ඒක ලිනන් ඇඳුම ඇඳගෙන හිටපු කෙනාගේ අත් දෙකෙන් තිබ්බා.+ ඒ කෙනා ඒක අරගෙන එතනින් ගියා.
8 කෙරුබ්වරුන්ගේ පියාපත් යට මිනිස්සුන්ගේ අත්වලට සමාන අත් තිබුණා.+
9 මම බලාගෙන ඉද්දී දැක්කා කෙරුබ්වරුන් ළඟ රෝද හතරක් තියෙනවා. එක එක කෙරුබ්වරයා ළඟ රෝදය ගාණේ තිබුණා. ඒ රෝද ක්‍රිසොලයිට් ගල්වලින් හදලා තියෙනවා වගේ දිලිසුණා.+
10 ඒ රෝද හතරේම පෙනුම එක වගෙයි. ඒ එක එක රෝදය ඇතුළේ තවත් රෝදයක් තියෙනවා මං දැක්කා.
11 ඒවා ගමන් කරද්දී හැරෙන්නේ නැතුව දිශා හතරෙන් ඕනෙම දිශාවකට කෙළින්ම ගමන් කරන්න ඒවාට හැකියාව තිබුණා. මොකද ඒවා හැරෙන්නේ නැතුව කෙරුබ්වරුන්ගේ හිස යොමු වෙලා තිබුණ දිශාවටම ගමන් කළා.
12 කෙරුබ්වරුන්ගේ ශරීර පුරාම ඒ කියන්නේ ඔවුන්ගේ පිටෙයි, අත්වලයි, පියාපත්වලයි ඇස් තිබුණා. ඔවුන් හතරදෙනා ළඟ තිබුණ රෝද පුරාමත් ඇස් තිබුණා.+
13 ඒවාට “රෝද” කියලා හයියෙන් කතා කරන හඬක් මට ඇහුණා.
14 හතරදෙනාටම* මූණු හතර ගාණේ තිබුණා. පළවෙනි මූණ කෙරුබ්වරයෙක්ගේ මූණක්. දෙවෙනි මූණ මිනිසෙක්ගේ මූණක්. තුන්වෙනි එක සිංහයෙක්ගේ. හතරවෙනි මූණ රාජාලියෙක්ගේ.+
15 ඒ කෙරුබ්වරු මම කේබාර් ගඟ+ ළඟදී දැක්ක ජීවීන්ම තමයි. ඔවුන් ඉහළට නැග්ගා.
16 කෙරුබ්වරු ගමන් කරද්දී රෝදත් ඔවුන් එක්කම ගමන් කළා. ඔවුන් පොළොවෙන් ගොඩක් ඉහළට යන්න පියාපත් ඉහළට උස්සද්දී රෝද වෙන දිශාවකට හැරුණෙවත් වෙන පැත්තකට ගියේවත් නැහැ.+
17 ඔවුන් නතර වුණාම රෝදත් නතර වුණා. ඔවුන් ඉහළට යද්දී රෝදත් ඔවුන් එක්කම ඉහළට ගියා. මොකද ජීවීන්ට මඟ පෙන්නපු බලයම තමයි රෝදවලටත් මඟ පෙන්නුවේ.
18 ගෘහයට ඇතුල් වෙන තැනට ඉහළින් තිබුණ යෙහෝවාගේ තේජස+ එතනින් අයින් වෙලා ගිහින් කෙරුබ්වරුන්ට ඉහළින් නැවතුණා.+
19 මං බලාගෙන ඉද්දී කෙරුබ්වරු ඔවුන්ගේ පියාපත් උඩට උස්සලා පොළොවෙන් ඉහළට ගියා. ඔවුන් යද්දී රෝදත් ඔවුන් එක්කම ගියා. ඔවුන් යෙහෝවා දෙවියන්ගේ ගෘහයේ නැඟෙනහිර දොරටුව ළඟ නැවතුණා. ඔවුන්ට ඉහළින් ඊශ්‍රායෙල්වරුන්ගේ දෙවියන්ගේ තේජස තිබුණා.+
20 මේ ජීවීන්ම තමයි කේබාර් ගඟ ළඟ ඉද්දී මම දැක්ක ඊශ්‍රායෙල්වරුන්ගේ දෙවියන්ගේ සිංහාසනයට පහළින් හිටියේ.+ ඔවුන් කෙරුබ්වරු කියලා මම තේරුම්ගත්තා.
21 ඔවුන් හතරදෙනාටම මූණු හතරකුත් පියාපත් හතරකුත් තිබුණා. ඔවුන්ගේ පියාපත්වලට යටින් මිනිසෙක්ගේ අතකට සමාන අත් තිබුණා.+
22 ඔවුන්ගේ මූණුත් කේබාර් ගඟ ළඟදී මම දැක්ක ජීවීන්ගේ මූණුවලට සමානයි.+ ඕනෙම දිශාවකට ඔවුන් කෙළින්ම ගමන් කළා.+
