එසකියෙල් 15:1-8
-
යෙරුසලම කිසි වැඩකට නැති මිදිවැලක් (1-8)
15 යෙහෝවා දෙවියන් ආපහු සැරයක් මට කතා කරලා මෙහෙම කිව්වා.
2 “මනුෂ්ය පුත්රය, කැලේ හැදෙන ගස්වල අතු එක්ක බලද්දී මිදිවැලේ අතුවල විශේෂත්වයක් තියෙනවාද? වෙන ඕනෙම ගහකට වඩා ඒකේ විශේෂත්වයක් තියෙනවාද?
3 වැඩක් කරගන්න ඒකෙන් පොල්ලක්වත් කපාගන්න පුළුවන්ද? නැත්නම් භාණ්ඩ එල්ලලා තියන්න ඇණයක්වත් ඒකෙන් හදාගන්න පුළුවන්ද?
4 ඒක පාවිච්චි කරන්නේ ගින්නට දාන දර විදිහට. ඒකේ අගිස් දෙක පිච්චිලා ගිහින් මැද කොටස අඟුරු වෙලා යනවා. දැන් ඒකෙන් කිසිම ප්රයෝජනයක් තියෙනවාද?
5 ගින්නට දාන්න කලිනුත් ඒකෙන් කිසිම වැඩක් නැහැ. එහෙමනම් ගින්නෙන් ඒක පිච්චිලා ගියාට පස්සේ ඒකෙන් වැඩක් ගන්නේ කොහොමද?”
6 “ශ්රේෂ්ඨතම පාලකයාණන් වන යෙහෝවා මෙහෙම කියනවා. ‘කැලේ ගස් අතරේ හැදෙන මිදිවැලක අතු මම දීලා තියෙන්නේ ගින්නට දාන්න. ඒ අතුවලට කරන දේම තමයි මම යෙරුසලමේ ඉන්න සෙනඟටත් කරන්නේ.+
7 මම ඔවුන්ට විරුද්ධව එනවා. ඔවුන් ගින්නෙන් බේරුණා. ඒත් පස්සේ එන ගින්නෙන් ඔවුන් පිච්චිලා යනවා. මම ඔවුන්ට විරුද්ධව එද්දී මම යෙහෝවා කියලා පිළිගන්න ඔබට සිද්ධ වෙනවා.’”+
8 “‘ඔවුන් මට ද්රෝහි වුණා.+ ඒ නිසා මම දේශය පාළු තැනක් කරනවා’+ කියලා ශ්රේෂ්ඨතම පාලකයාණන් වන යෙහෝවා කියනවා.”