ගීතාවලිය 101:1-8
දාවිත් රචනා කරපු ගීයක්.
101 යෙහෝවා දෙවියනි, මම ඔබට ප්‍රශංසා ගී ගයනවා.*
ඔබේ නොසැලෙන ආදරය සහ යුක්තිය ගැන ගායනා කරනවා.
2 දෙවියනි, ඔබ මගේ උදව්වට එන්නේ කවදාද?
මගේ එකම ආශාව, සිහිකල්පනාවෙන් වැඩ කරලා නිර්දෝෂ ජීවිතයක් ගත කරන එකයි.*
මට ඕනෙ නිවසේ ඉද්දීත් ඔබට විශ්වාසවන්තව ඉන්නයි.+
3 මම කවදාවත් කිසි කමකට නැති දේවල් දිහා බලන්නේ නැහැ.
හරි මඟෙන් ඉවත් වෙලා ගිය අය කරන දේවල් මට පිළිකුලක්.+මම කොහොමටවත් ඔවුන්ව ඇසුරු කරන්නේ නැහැ.*
4 වංක සිත් තියෙන අයගෙන් මං ඈත් වෙලා ඉන්නවා.කිසිම වැරදි දේකට මං හවුල් වෙන්නේ නැහැ.
5 තමන්ගේ අසල්වැසියාට අපහාස කරන්න රහසින් බොරු පතුරුවන අයව+ මම නිහඬ කරනවා.*
උඩඟු ඇස් සහ අහංකාර සිත් තියෙන අය කරන දේවල් මම කොහොමටවත් ඉවසන්නේ නැහැ.
6 පොළොවේ ඉන්න, ඔබට විශ්වාසවන්ත අය ගැන මම සතුටු වෙනවා.මාත් එක්ක ජීවත් වෙන්න මම ඔවුන්ට අවස්ථාව දෙනවා.
මට සේවය කරන්න මං තෝරගන්නේ නිර්දෝෂ ජීවිතයක් ගත කරන* අයවයි.
7 වංක විදිහට වැඩ කරන කිසිම කෙනෙක්ට මගේ ගෙදර ඉඩක් නැහැ.බොරු කියන කාටවත් මාත් එක්ක ඉන්න ලැබෙන්නේ නැහැ.
8 සෑම උදෑසනකම මම පොළොවේ ඉන්න දුෂ්ට අයව නිහඬ කරනවා.*යෙහෝවා දෙවියන්ගේ නුවරේ නපුරුකම් කරන හැමෝවම මම නැති කරලා දානවා.+
පාදසටහන්
^ හෝ, “සංගීත භාණ්ඩ වාදනය කරකර ගායනා කරනවා.”
^ හෝ, “ඔබට විශ්වාසවන්තව ඉන්නයි.”
^ හෝ, “ඒ දේවලට කොහොමටවත් හවුල් වෙන්නේ නැහැ.”
^ හෝ, “නැති කරලා දානවා.”
^ හෝ, “ඔබට විශ්වාසවන්තව ඉන්න.”
^ හෝ, “නැති කරලා දානවා.”
