ගීතාවලිය 102:1-28
යාච්ඤාවක්. පීඩා නිසා සිත්තැවුලෙන් ඉන්න* කෙනෙක් ඔහුට දැනෙන දුක හංගන්නේ නැතුව යෙහෝවාට කියයි.+
102 අනේ යෙහෝවා, මගේ යාච්ඤාව අහන්න.+මං හඬ නඟලා උදව් ඉල්ලද්දී මට සවන් දෙන්න.+
2 මම පීඩාවලින් හෙම්බත් වෙලා ඉද්දීඔබේ මූණ මගෙන් ඉවතට හරවගන්න එපා.+
ඔබේ කන් මං දිහාවට යොමු කරන්න.*මම අඬගහද්දී ඉක්මනින්ම මට උත්තර දෙන්න.+
3 නොපෙනී යන දුමක් වගේ මගේ ජීවිතේ දවස් ඉක්මනින් ගෙවිලා යනවා.
මගේ ඇටකටු ගිනි උදුනක දැවෙන දර වගේ.+
4 මැලවිලා ගිය තණකොළ වගේ මගේ හිතත් මලානික වෙලා.+කෑම කන්නවත් මට මතක් වෙන්නේ නැහැ.
5 වේදනාව දරාගන්න බැරුව මං කෙඳිරිගානවා.+මගේ හම ඇටකටුවලටම ඇලිලා.+
6 මම හරියට පාළුකරයේ ඉන්න පැස්තුඩුවෙක් වගේ.නටබුන් අතරේ ඉන්න පුංචි බස්සෙක් වගේ.
7 නින්ද මං අහළකටවත් එන්නේ නැහැ.*මං වහලක් උඩ තනි වෙලා ඉන්න කුරුල්ලෙක් වගේ.+
8 මගේ හතුරෝ දවස පුරාම මට නින්දා කරනවා.+
මට කවටකම් කරන අය මගේ නම කියකිය අනුන්ට ශාප කරනවා.
9 කෑම වෙනුවට මට අළු කන්න වෙලා.+මං බොන පානයට මගේ කඳුළුත් එකතු වෙලා.+
10 මට ඒ හැම දේම වුණේ ඔබ මාත් එක්ක ලොකු කේන්තියකින් ඉන්න නිසයි.ඔබ මාව උස්සලා අහකට වීසි කළා.
11 මගේ ජීවිතය නොපෙනී යන සෙවණැල්ලක් වගේ.+තණකොළ වගේ මාත් මැලවිලා යනවා.+
12 ඒත් යෙහෝවා දෙවියනි, ඔබ සදහටම ජීවත් වෙනවා.+හැම පරම්පරාවකම අය ඔබ ගැන කතා කරයි.*+
13 ඔබ අනිවාර්යයෙන්ම සියොන් නුවර වෙනුවෙන් නැඟී ඉඳලා ඇයට දයාව පෙන්වනවා.+මොකද නියමිත කාලය ඇවිල්ලයි තියෙන්නේ.+ඇයට ඔබේ කරුණාව පෙන්වන්න කාලය ඇවිල්ලයි තියෙන්නේ.+
14 ඔබේ සේවකයෝ ඇගේ නටබුන්වලටත් ප්‍රිය කරනවා.+ඇගේ දූවිල්ලත් ඔවුන්ට හුඟක් වටිනවා.+
15 යෙහෝවා කියන නම ගැන ජාතීන්ට ලොකු ගරුබියක් ඇති වෙයි.ඔහුගේ තේජස නිසා පොළොවේ සියලු රජවරුන්ටත්ඔහු ගැන ලොකු ගෞරවයක් ඇති වෙයි.+
16 යෙහෝවා අනිවාර්යයෙන්ම සියොන් නුවර ආයෙත් ගොඩනඟනවා.+ඔහු තමන්ගේ තේජස දකින්න සලස්වනවා.+
17 ඔහු දුප්පතාගේ යාච්ඤාවට අනිවාර්යයෙන්ම ඇහුම්කන් දෙනවා.+ඔහුගේ යාච්ඤා ඔහු කවදාවත් හෙළා දකින්නේ නැහැ.+
18 මේ දේ ලියලා තියෙන්නේ මතු පරම්පරා වෙනුවෙන්.+එතකොට ඒ පරම්පරාවල අයත්* යාහ්ට* ප්‍රශංසා කරයි.
19 ඔහු ඉහළින් තියෙන තම ශුද්ධස්ථානයේ ඉඳන් බලනවා.+යෙහෝවා ස්වර්ගයේ ඉඳන් පොළොව දිහා බලනවා.
20 ඔහු එහෙම කරන්නේ සිරකරුවාගේ සුසුම්ලන හඬට ඇහුම්කන් දෙන්නයි.+මරණයට නියම වුණ අයව නිදහස් කරන්නයි.+
21 ඒ නිසා සියොන්වලදී යෙහෝවාගේ නම ගැන දැනගන්න ලැබෙයි.+යෙරුසලමේදී ඔහුට ප්‍රශංසාව ලැබෙයි.
22 සියලු ජනයාත් සියලු රාජ්‍යයනුත්යෙහෝවාට නමස්කාර කරන්න එක් රැස් වෙද්දී+ඒ හැමෝම එකතු වෙලා ඔහුට ප්‍රශංසා කරයි.
23 මගේ ජීවිත ගමනේ අතරමඟදීඔහු මගේ ශක්තිය මගෙන් අයින් කළා.ඔහු මගේ ජීවිතය කෙටි කළා.
24 මම මෙහෙම කිව්වා. “සදහටම ජීවත් වෙන මගේ දෙවියනි,+වයසට යන්න කලින් මගේ ජීවිතේ නැති කරන්න එපා.
25 ඈත අතීතයේදී ඔබ පොළොවේ අත්තිවාරම් දැම්මා.ඔබේ දෑත්වලින් අහස නිර්මාණය කළා.+
26 ඒ හැම දෙයක්ම නැති වෙලා ගියත් ඔබ සදහටම ඉන්නවා.ඒවා ඇඳුමක් වගේ දිරාපත් වෙලා යනවා.
කෙනෙක් පරණ ඇඳුමක් අයින් කරලා අලුත් ඇඳුමක් ඇඳගන්නවා වගේඔබ ඒ හැම දෙයක්ම අලුත් කරනවා.
27 ඒත් ඔබ කවදාවත් වෙනස් වෙන්නේ නැහැ.ඔබේ පැවැත්මට අවසානයක් නැහැ.+
28 ඔබේ සේවකයන්ගේ දරුවන් කිසිම බයක් නැතුව ජීවත් වෙයි.ඔවුන්ගෙන් පැවතෙන අයත් ඔබ ඉස්සරහා සුරක්ෂිතව ජීවත් වෙයි.”+
පාදසටහන්
^ හෝ, “දුර්වල වෙලා ඉන්න.”
^ හෝ, “පහතට නැමිලා මට ඇහුම්කන් දෙන්න.”
^ හෝ සමහරවිට, “මගේ ඇඟ වැහැරිලා ගිහින්.”
^ හෝ, “ඔබේ නම ගැන කතා කරයි.” මූ.අ., “ඔබව සිහි කරයි.”
^ “යාහ්” කියන්නේ යෙහෝවා කියන නම කෙටියෙන් කියන විදිහක්.
^ මූ.අ., “නිර්මාණය කරන්න නියමිත සෙනඟත්.”
