ගීතාවලිය 103:1-22
දාවිත් රචනා කරපු ගීතයක්.
103 මම යෙහෝවා දෙවියන්ට ප්‍රශංසා කරනවා.මගේ මුළු හදවතින්ම මම ඔහුගේ ශුද්ධ නමට ප්‍රශංසා කරනවා.
2 මම යෙහෝවාට ප්‍රශංසා කරනවා.ඔහු කරපු එක දෙයක්වත් මම කවදාවත් අමතක කරන්නේ නැහැ.+
3 ඔහු ඔබේ හැම වරදකටම සමාව දෙනවා.+ඔබේ සියලුම දුක් වේදනාවලට සහනයක්* දෙනවා.+
4 ඔහු ඔබේ ජීවිතය මිනී වළෙන් ගලවගන්නවා.+ඔහුගේ නොසැලෙන ආදරයත් දයාවත් ඔටුන්නක් වගේ ඔබට පලඳවනවා.+
5 ජීවිත කාලය පුරාම ඔහු ඔබව යහපත් දේවලින් තෘප්තිමත් කරනවා.+රාජාලීන් වගේ ඔබේ තරුණකම අලුත් වෙන්නේ ඒ නිසයි.+
6 තාඩන පීඩනවලට ලක් වුණ අයට යෙහෝවා යුක්තිය ඉටු කරනවා.+ඔහු ඔවුන්ට ධර්මිෂ්ඨකමින් සලකනවා.+
7 තමන් වැඩ කරන විදිහ ගැන ඔහු මෝසෙස්ට දැන්නුවා.+තමන් කරපු දේවල් ගැන ඊශ්‍රායෙල්ගේ පුතුන්ව දැනුවත් කළා.+
8 යෙහෝවා අනුකම්පාව පෙන්වන, දයාවන්ත දෙවි කෙනෙක්.+ඉක්මනින් කේන්ති ගන්නේ නැති, නොසැලෙන ආදරෙන් පිරුණු දෙවි කෙනෙක්.+
9 අපේ අතින් වෙන වැරදි ඔහු හැමදාටම මතකයේ තියාගන්නේ නැහැ.+ඔහු හැමදාටම අපිත් එක්ක අමනාපයෙන් ඉන්නෙත් නැහැ.+
10 අපි කරපු වැරදිවල තරමටම ඔහු අපිට දඬුවම් කළේ නැහැ.+අපේ වැරදිවලට ලැබෙන්න ඕනෙ දඬුවම ඔහු අපිට දුන්නේ නැහැ.+
11 ඔහු ගැන ගරුබියක් තියෙන අයට ඔහු පෙන්වන නොසැලෙන ආදරය මොන තරම්ද!+ඒක අහසත් පොළොවත් අතර තියෙන පරතරය වගේ හිතාගන්නවත් බැරි තරම්!
12 බස්නාහිර නැඟෙනහිරෙන් හුඟක් දුරස්ව තියෙනවා වගේඔහු අපේ වැරදි අපෙන් ඈත් කරනවා.+
13 පියෙක් තමන්ගේ පුතුන්ට දයාව පෙන්වනවා වගේයෙහෝවා තමන් ගැන ගරුබියක් තියෙන අයට දයාව පෙන්වනවා.+
14 අපිව නිර්මාණය කරලා තියෙන්නේ කොහොමද කියලා ඔහු හොඳින් දන්නවා.+අපිව හැදුවේ දූවිල්ලෙන් කියලා ඔහු සිහි කරනවා.+
15 දූවිල්ලට හැරිලා යන මිනිසාගේ ආයු කාලය තණකොළ ගසකට සමානයි.+කෙතේ තියෙන මලක් වගේ ඔහු පිපුණත්+
16 හුළඟක් හමපු ගමන්ම ඒක ගහගෙන යනවා.ඒක එතන තිබුණාද කියලවත් හොයාගන්න බැහැ.
17 ඒත් යෙහෝවා ගැන ගරුබියක් දක්වන අයට+ඔහු පෙන්වන ඉමහත් ආදරේ කවදාවත් වෙනස් වෙන්නේ නැහැ.*ඔවුන්ගේ දරුවන්ගේ දරුවන්ටත් ඔහුගේ ධර්මිෂ්ඨකම අද්දකින්න ලැබෙනවා.+
18 ඔහුගේ නියෝග පිළිපදින්න වෙහෙසෙන,ඔහු ඇති කරපු ගිවිසුමට විශ්වාසවන්තව ඉන්න අයට+ඔහුගේ ධර්මිෂ්ඨකම අද්දකින්න ලැබෙනවා.
19 යෙහෝවා ඔහුගේ සිංහාසනය ස්වර්ගයේ ස්ථිරව පිහිටුවලා තියෙනවා.+හැම දෙයක්ම තියෙන්නේ ඔහුගේ පාලනය යටතේ.+
20 යෙහෝවාගේ අණට කීකරු වෙන ඔහුගේ සියලු දූතයෙනි,+ ඔහුට ප්‍රශංසා කරන්න.දෙවියන් කියන දේ ඉටු කරන+ බලසම්පන්න දේවදූතයෙනි, දෙවියන්ට ප්‍රශංසා කරන්න.
21 යෙහෝවාගේ කැමැත්ත ඉටු කරන,+ඔහුට සේවය කරන ස්වර්ගයේ සේනාවෙනි,+ ඔහුට ප්‍රශංසා කරන්න.
22 යෙහෝවා නිර්මාණය කළ සියල්ලෙනි,ඔහු පාලනය කරන හැම තැනකදීම ඔහුට ප්‍රශංසා කරන්න.
මගේ මුළු හිතින්ම මම යෙහෝවා දෙවියන්ට ප්‍රශංසා කරනවා.
