ගීතාවලිය 105:1-45
-
යෙහෝවා ඔහුගේ සෙනඟ වෙනුවෙන් විශ්වාසවන්තව කරපු දේවල්
-
දෙවියන් තමන් ඇති කරගත්ත ගිවිසුම අමතක කරන්නේ නැහැ (8-10)
-
“මං අභිෂේක කරපු අයට අත තියන්න එපා” (15)
-
වහලෙක් විදිහට හිටපු යෝසෙප්ව දෙවියන් ඔහුගේ අරමුණ වෙනුවෙන් පාවිච්චි කරයි (17-22)
-
ඊජිප්තුවේදී දෙවියන් කරපු ආශ්චර්යයන් (23-36)
-
ඊශ්‍රායෙල්වරු ඊජිප්තුවෙන් පිටතට යයි (37-39)
-
තමන් ආබ්‍රහම්ට වුණ පොරොන්දුව දෙවියන් සිහි කරයි (42)
-
105 යෙහෝවාට ස්තුති කරන්න.+ඔහුගේ නම කියලා ඔහුට කන්නලව් කරන්න.ඔහු කරන දේවල් ගැන හැමෝටම කියන්න.+
2 ඔහුට ගී ගයන්න. ඔහුට ප්‍රශංසා ගී ගයන්න.*ඔහු කරපු පුදුම දේවල් ගැන හොඳින් කල්පනා කරන්න.*+
3 ඔහුගේ ශුද්ධ නම ගැන ආඩම්බරයෙන් කතා කරන්න.+
යෙහෝවාගේ මඟ පෙන්වීම් පතන හැමෝගෙම සිත් සතුටින් පිරී ඉතිරේවා!+
4 යෙහෝවාගේ මඟ පෙන්වීම් පතන්න.+
ඔහුගෙන් ශක්තිය ඉල්ලන්න. නිතරම ඔහුගෙන් උපකාර ඉල්ලන්න.*
5 ඔහු කරපු පුදුම දේවල් මතක් කරගන්න.ඔහු කරපු ආශ්චර්යයනුත් ඔහු දුන්න ධර්මිෂ්ඨ තීන්දුත් සිහි කරන්න.+
6 ඔහුගේ සේවකයා වුණ ආබ්‍රහම්ගෙන් පැවතෙන්නෙනි,+යාකොබ්ගේ දරුවෙනි, ඔහු තෝරගත්ත සෙනඟෙනි,+ ඒ දේවල් සිහි කරන්න.
7 අපේ දෙවි යෙහෝවා ඔහුයි.+
ඔහු මුළු පොළොවම විනිශ්චය කරයි.+
8 ඔහු ඇති කරගත්ත ගිවිසුම ඔහු කවදාවත් අමතක කරන්නේ නැහැ.+පරම්පරා දාහක් ගියත් ඔහු දුන්න පොරොන්දුව ඔහු අමතක කරන්නේ නැහැ.+
9 ආබ්‍රහම් එක්ක ඇති කරගත්ත ඒ ගිවිසුමත්+ඊසාක්ට දිවුරලා වුණ පොරොන්දුවත් ඔහු සිහි කරනවා.+
10 ඒ පොරොන්දුව කවදාවත් කඩ කරන්නේ නැහැ කියලා ඔහු යාකොබ්ට සහතික වුණා.ඔහු හැමදාටම ඊශ්‍රායෙල් එක්ක ඇති කරගත්ත ඒ ගිවිසුමට විශ්වාසවන්තව ඉන්නවා.
11 ඔහු පොරොන්දු වුණේ මෙහෙමයි. “ඔයාගේ උරුමය විදිහට,+මම කානාන් දේශය ඔයාට දෙනවා.”+
12 ඔහු එහෙම කියද්දී ඔවුන් කුඩා පිරිසක්.+ඒ දේශයේ විදේශිකයන් විදිහට හිටපු ඔවුන් ඇත්තටම කුඩා පිරිසක්.+
13 ඔවුන් රටින් රටට ඇවිද්දා.එක රාජ්‍යයකින් තවත් රාජ්‍යයකට ගියා.+
14 ඔවුන්ට හිරිහැර කරන්න ඔහු කාටවත් ඉඩ දුන්නේ නැහැ.+ඔවුන් නිසා ඔහු රජවරුන්ට අවවාද කළා.+
15 “මං අභිෂේක කරපු අයට අත තියන්න එපා.මගේ අනාගතවක්තෘවරුන්ට කිසිම නපුරක් කරන්න එපා” කියලා ඔහු ඔවුන්ට කිව්වා.+
16 ඔහු සාගතයක් ගෙනාවා.+ඔවුන්ගේ ආහාර* ගබඩාවන්* විනාශ කරලා දැම්මා.
17 ඔවුන් දේශයට යන්න කලින්වහලෙක් විදිහට විකුණපු යෝසෙප්ව ඔහු එහෙට යැව්වා.+
18 එහේ හිටපු අය ඔහුගේ කකුල්වලට විලංගු දැම්මා.+ඔහුගේ බෙල්ල* දම්වැල්වලින් හිර කළා.
19 යෙහෝවා දෙවියන් දුන්න පොරොන්දුව ඉටු වෙන කල්+දෙවියන් ඔහු කියපු දේවලින්* යෝසෙප්ව පවිත්‍ර කළා.
20 ඔහුව මුදාහරින්න කියලා රජ නියෝග කළා.+දේශයේ පාලකයා ඔහුව නිදහස් කළා.
21 රජ තමන්ගේ නිවස බලාගන්න වගකීම ඔහුට භාර දුන්නා.රජ තමන්ට අයිති හැම දේකම පාලකයා විදිහට ඔහුව පත් කළා.+
22 රජ තමන්ගේ අධිපතීන්ව සම්පූර්ණයෙන්ම ඔහුට යටත් කරලා දුන්නා.තමන්ගේ වැඩිමහල්ලන්ට දැනමුතුකම් දෙන්නත් ඔහුව පත් කළා.+
23 ඊටපස්සේ ඊශ්‍රායෙල්, ඊජිප්තුවට ආවා.+යාකොබ් හාම්ගේ දේශයේ විදේශිකයෙක් විදිහට ජීවත් වුණා.
24 දෙවියන් ඔහුගේ සෙනඟගේ ගාණ එන්න එන්නම වැඩි වෙන්න සැලැස්සුවා.+ඔවුන්ගේ සතුරන්ට වඩා ඔවුන්ව බලවත් කළා.+
25 තම සෙනඟට වෛර කරන්නත්ඔවුන්ට විරුද්ධව කුමන්ත්‍රණ කරන්නත් දෙවියන් ඒ අයටඉඩහැරියා.+
26 ඔහු තමන්ගේ සේවකයා වුණ මෝසෙස්වත්+මෝසෙස්ට උදව් කරන්න තෝරගත්ත ආරොන්වත්+ ඔවුන් ළඟට යැව්වා.
27 ඒ දෙන්නා දෙවියන් දුන්න ලකුණු ඊජිප්තුවරුන්ට පෙන්නුවා.හාම්ගේ දේශයේදී ඔවුන් දෙවියන්ගේ බලයෙන් ආශ්චර්යයන් කළා.+
28 ඒ දෙන්නා දෙවියන් කියපු හැම දෙයක්ම ඒ විදිහටම කළා.දෙවියන් මුළු දේශයම අන්ධකාරයෙන් වැහිලා යන්න සැලැස්සුවා.+
29 ඔහු ඊජිප්තුවරුන්ගේ ගංගාවල වතුර ලේවලට හැරෙව්වා.ඒවාවල හිටපු මසුන්ව විනාශ කළා.+
30 ඔවුන්ගේ දේශය ගෙම්බන්ගෙන් පිරිලා ගියා.+රජගේ කාමර ඇතුළටත් උන් ගියා.
31 ඔහු අණ කළාම ගඩු මැස්සෝ රංචු පිටින් ඇවිත් දේශය වහගත්තා.ඔවුන්ගේ හැම පළාතක්ම වැලි මැක්කන්ගෙන් පිරිලා ගියා.+
32 වැස්ස වෙනුවට ඔහු ඔවුන්ගේ දේශයටහිම කැට වර්ෂාවක් ඇද හැලෙන්න සැලැස්සුවා.අකුණු සැරවලින්* ඔවුන්ගේ දේශයට පහර දුන්නා.+
33 ඔවුන්ගේ මිදිවැල්, අත්තික්කා ගස් විනාශ කළා.ඔවුන්ගේ දේශයේ තිබුණ හැම ගහක්ම නැති කරලා දැම්මා.
34 ඔහු පළඟැටියන්ට රංචු පිටින් දේශයට එන්න අණ කළා.පළඟැටි පැටවුන් සේනාවක් මුළු දේශයම වහගත්තා.+
35 උන් ඔවුන්ගේ වගාබිම් නැති නාස්ති කළා.ගස් වැල්වල පලදාව කාලා දැම්මා.
36 අන්තිමේදී දෙවියන් ඔවුන්ගේ හැම කුලුඳුලෙක්ටම පහර දුන්නා.+ඔවුන්ගේ පුරුෂ ශක්තියේ මුල්ම පලය නැති කරලා දැම්මා.
37 ඔහු තම සෙනඟව දේශයෙන් පිටතට ගෙනාවා.ඔවුන් පිටතට ආවේ රන් රිදී අරගෙනයි.+ඔවුන්ගේ ගෝත්‍රවල කිසිම කෙනෙක් දුර්වල වෙලා ඇද වැටුණේ නැහැ.
38 ඔවුන් පිටත් වෙලා යද්දී ඊජිප්තුවරු හුඟක් සතුටු වුණා.මොකද ඊශ්‍රායෙල්වරු නිසා ඔවුන්ට දැනුණේ පුදුම බයක්.+
39 ඊශ්‍රායෙල්වරුන්ව සතුරන්ගෙන් වෙන් කරන්න ඔහු ඒ දෙගොල්ලෝ අතරේ වලාකුළක් තිබ්බා.+
රාත්‍රියේදී ගින්නක් මාර්ගයෙන් ඔහු ඔවුන්ට එළිය ලබා දුන්නා.+
40 ඔවුන් මස් ඉල්ලද්දී ඔහු ඔවුන්ට වටුවන් එව්වා.+ස්වර්ගයෙන් කෑම ලබා දීලා ඔහු ඔවුන්ව තෘප්තිමත් කළා.+
41 ඔහු පර්වතයක් දෙබෑ කරලා ඒකෙන් වතුර ගලාගෙන එන්න සැලැස්සුවා.+ඒ වතුර කාන්තාරය හරහා ගඟක් වගේ ගලාගෙන ගියා.+
42 ඔහු ඒ දේවල් කළේ තමන්ගේ සේවකයා වුණ ආබ්‍රහම්ට දුන්න ශුද්ධ පොරොන්දුව සිහි කරලයි.+
43 ඔහු තමන්ගේ සෙනඟව දේශයෙන් පිටතට ගෙනාවා.ඔවුන් සතුටින් හඬ නඟමින් දේශයෙන් පිටත් වුණා.+ඔහු තෝරගත්ත අය ප්‍රීති ඝෝෂා නඟමින් පිටතට ආවා.
44 වෙනත් ජාතීන්ට අයිති ප්‍රදේශ ඔහු ඔවුන්ට අයිති කරලා දුන්නා.+වෙනත් අය වෙහෙස මහන්සියෙන් උපයගත්ත දේවල් ඔවුන්ට උරුම වුණා.+
45 ඔවුන් තමන්ගේ අණපනත් පිළිපදියි කියලත්+තමන්ගේ නීතිවලට කීකරු වෙයි කියලත් දෙවියන් බලාපොරොත්තු වුණා.
ජනයෙනි, යාහ්ට ප්‍රශංසා කරන්න!*
පාදසටහන්
^ හෝ, “සංගීත භාණ්ඩ වාදනය කරකර ගායනා කරන්න.”
^ හෝ සමහරවිට, “කතා කරන්න.”
^ මූ.අ., “ඔහුගේ මුහුණ දකින්න නිතරම උත්සාහ කරන්න.”
^ හෝ, “රොටි.”
^ මූ.අ., “රොටි එල්ලලා තියන ඔවුන්ගේ හැම ලීයක්ම.” මෙතන කතා කරන්නේ රොටි එල්ලලා තියන්න පාවිච්චි කරන ලී ගැන වෙන්න පුළුවන්.
^ හෝ, “ඔහුව.”
^ මූ.අ., “ඔහුගේ වදන්වලින්.”
^ හෝ, “ගිනිදැල්වලින්.”
^ හෝ, “හලෙලූයා.” “යාහ්” කියන්නේ යෙහෝවා කියන නම කෙටියෙන් කියන විදිහක්.
