ගීතාවලිය 11:1-7
සංගීත අධ්‍යක්ෂක වෙත. දාවිත් රචනා කරපු ගීයක්.
11 මං ආරක්ෂාව හොයාගෙන යන්නේ යෙහෝවා දෙවියන් ළඟටයි.+
එහෙනම් මිනිසුනි “කුරුල්ලෙක් වගේ ඔබේ කන්දට පලා යන්න” කියලා ඔබ මට කියන්නේ ඇයි?
2 “බලන්න! දුෂ්ටයෝ දුන්න අතට ගන්නවා.ඊතල සූදානම් කරගන්නවා.අඳුරු තැනක හැංගිලා ඉඳන් අවංක අයට පහර දෙන්න ලෑස්ති වෙලා ඉන්නවා.
3 අත්තිවාරම්* බිඳලා දාද්දීධර්මිෂ්ඨයාට කරන්න පුළුවන් දෙයක් තියෙනවාද?”
4 ඒත් යෙහෝවා ඔහුගේ ශුද්ධ මාලිගාවේ ඉන්නවා.+
යෙහෝවාගේ සිංහාසනය තියෙන්නේ ස්වර්ගයේ.+
ඔහුගේ දෙනෙත්වලින් ඔහු හැම දෙයක්ම දකිනවා.මිනිසුන් කරන හැම දේම ඔහු සෝදිසි කරලා බලනවා.+
5 යෙහෝවා ධර්මිෂ්ඨයාවත් දුෂ්ටයාවත් සෝදිසි කරනවා.+ප්‍රචණ්ඩ දේවලට කැමැත්තක් දක්වන අයව ඔහු පිළිකුල් කරනවා.+
6 ඔහු වැස්සක් වගේ දුෂ්ටයා පිටට විපත්ති* ඇද හැලෙන්න සලස්වනවා.ඔවුන්ට උරුම වෙන්නේ ගින්දර, ගෙන්දගම්+ සහ ගිනිමය සුළං විතරයි.
7 යෙහෝවා දෙවියන් ධර්මිෂ්ඨයි.+ ඔහු ධර්මිෂ්ඨ ක්‍රියාවලට ප්‍රිය කරනවා.+
හරි දේ කරන අයට ඔහුගේ මූණ දකින්න ලැබෙනවා.*+
පාදසටහන්
^ හෝ, “යුක්තිය කියන අත්තිවාරම්.”
^ මූ.අ., “දැල්.” හෝ සමහරවිට, “ඇවිළෙන ගිනි අඟුරු.”
^ හෝ, “ඔහුගේ අනුමැතිය ලැබෙනවා.”
