ගීතාවලිය 135:1-21
135 යාහ්ට ප්‍රශංසා කරන්න!*
යෙහෝවාගේ නමට ප්‍රශංසා කරන්න.යෙහෝවා දෙවියන්ගේ සේවකයෙනි, ස්තුති ප්‍රශංසා ඔප්පු කරන්න.+
2 යෙහෝවාගේ ගෘහයේ ඉන්න සියල්ලෙනි,අපේ දෙවියන්ගේ ගෘහයේ මළුවේ ඉන්න සියල්ලෙනි,+ඔහුට ප්‍රශංසා කරන්න!
3 යෙහෝවා දෙවියන් යහපත්.+ ඒ නිසා යාහ්ට ප්‍රශංසා කරන්න!
ඔහුගේ නමට ප්‍රශංසා ගී ගයන්න.* මොකද ඒක ප්‍රසන්න දෙයක්.
4 යාහ් තෝරගත්තේ යාකොබ්වයි.තමන්ට අයිති විශේෂ සෙනඟක්* විදිහට ඔහු ඊශ්‍රායෙල්ව තෝරගත්තා.+
5 යෙහෝවා ශ්‍රේෂ්ඨයි කියලා මම හොඳින්ම දන්නවා.අනිත් හැම දෙවි කෙනෙක්ටම වඩා අපේ ස්වාමීන් හුඟක් ශ්‍රේෂ්ඨයි!+
6 යෙහෝවා තමන් කැමති හැම දේම කරනවා.+ඔහු අහසෙත් පොළොවෙත් මුහුදෙත් ගැඹුරු තැන්වලත් තමන් කැමති දේ කරනවා.
7 ඔහු පොළොවේ හතර කොනෙන්ම වලාකුළු* ඉහළට නඟින්න සලස්වනවා.ඔහු වැස්සත් එක්ක අකුණු සැර එවනවා.*ඔහුගේ ගබඩාවලින් හුළං හමා එන්න සලස්වනවා.+
8 ඔහු ඊජිප්තුවරුන්ගේ කුලුඳුල් දරුවන්ටත්කුලුඳුල් සතුන්ටත් පහර දුන්නා.+
9 ඔහු ඊජිප්තුවේදී පුදුම දේවල් කළා. ලකුණුත් පෙන්නුවා.+පාරාවෝටත් ඔහුගේ සියලු සේවකයන්ටත් විරුද්ධවයි ඒ හැම දේම කළේ.+
10 ඔහු හුඟක් ජාතීන්ට පහර දුන්නා.+බලවත් රජවරුන්වත් විනාශ කළා.+
11 අමෝරිවරුන්ගේ රජ වුණ සීහොන්වත්+බාෂාන්වල රජ වුණ ඕග්වත්+කානාන්වල තිබුණ හැම රාජ්‍යයක්මත් ඔහු විනාශ කළා.
12 ඔවුන්ට අයිති දේශය ඔහු උරුමයක් විදිහටතමන්ගේ සෙනඟ වන ඊශ්‍රායෙල්වරුන්ට දුන්නා.+
13 යෙහෝවා දෙවියනි, ඔබේ නම සදාකල් පවතිනවා.
යෙහෝවා දෙවියනි, හැම පරම්පරාවකම අය ඔබ ගැන* කතා කරනවා.*+
14 යෙහෝවා තමන්ගේ සෙනඟ වෙනුවෙන් යුක්තිය ඉටු කරයි.+ඔහුගේ සේවකයන් ගැන ඔහුට ලොකු අනුකම්පාවක් දැනෙයි.+
15 වෙනත් ජාතීන් නමස්කාර කරන දෙවිවරුන්ගේ රූප හදලා තියෙන්නේ රන් රිදීවලින්.මිනිසුන්මයි ඒවා හදලා තියෙන්නේ.+
16 ඒවාට කටවල් තිබුණත් කතා කරන්න බැහැ.+ඇස් තිබුණත් පේන්නේ නැහැ.
17 ඒවාට කන් තිබුණත් කිසිම දෙයක් ඇහෙන්නේ නැහැ.
කටින් හුස්ම පිට කරන්නෙත් නැහැ.+
18 ඒවා හදන අයත් ඒවා ගැන විශ්වාසය තියන අයත්+අන්තිමේදී ඒ රූප වගේම වෙනවා.+
19 ඊශ්‍රායෙල්ගෙන් පැවතෙන්නෙනි, යෙහෝවාට ප්‍රශංසා කරන්න!
ආරොන්ගෙන් පැවතෙන්නෙනි, යෙහෝවාට ප්‍රශංසා කරන්න!
20 ලෙවීගෙන් පැවතෙන්නෙනි, යෙහෝවාට ප්‍රශංසා කරන්න!+
යෙහෝවා ගැන ගරුබියක් තියෙන සියල්ලෙනි, යෙහෝවාට ප්‍රශංසා කරන්න!
21 යෙරුසලමේ වාසය කරන යෙහෝවාට+සියොන් වැසියන්ගෙන් ප්‍රශංසාව ලැබේවා!+
යාහ්ට ප්‍රශංසා කරන්න!+
පාදසටහන්
^ හෝ, “හලෙලූයා.” “යාහ්” කියන්නේ යෙහෝවා කියන නම කෙටියෙන් කියන විදිහක්.
^ හෝ, “සංගීත භාණ්ඩ වාදනය කරකර ගායනා කරන්න.”
^ හෝ, “වටිනා වස්තුවක්.”
^ හෝ, “ජල වාෂ්ප.”
^ හෝ සමහරවිට, “වැස්ස ලබා දෙන්න ඔහු අහසේ කවුළු හදනවා.”
^ හෝ, “ඔබේ නම ගැන.”
^ මූ.අ., “ඔබව සිහි කරනවා.”
