ගීතාවලිය 138:1-8
දාවිත් රචනා කරපු ගීතයක්.
138 මගේ මුළු හදවතින්ම මම ඔබට ප්රශංසා කරනවා.+
වෙනත් දෙවිවරුන් ඉස්සරහා මම ඔබට ප්රශංසා ගී ගයනවා.*
2 ඔබ පෙන්වන නොසැලෙන ආදරේ නිසාත් ඔබේ විශ්වාසවන්තකම නිසාත්මම ඔබේ ශුද්ධ මාලිගාව* දිහාවට හැරිලා වැඳ වැටෙනවා.+ඔබේ නමට ප්රශංසා කරනවා.+
මොකද ඔබේ නමත් ඔබේ පොරොන්දුත්අනිත් හැම දේටම වඩා ශ්රේෂ්ඨයි කියලා ඔබ පෙන්වලා තියෙනවා.*
3 මම ඔබෙන් උදව් ඉල්ලපු දවසේම ඔබ මට උත්තර දුන්නා.+මාව ශක්තිමත් කරලා, නිර්භීතව වැඩ කරන්න මට උදව් කළා.+
4 යෙහෝවා දෙවියනි, පොළොවේ රජවරු හැමෝම ඔබට ප්රශංසා කරයි.+මොකද ඔබේ පොරොන්දු ගැන ඔවුන්ට අහන්න ලැබෙයි.
5 ඔවුන් යෙහෝවාගේ මාර්ග ගැන ගී කියයි.මොකද යෙහෝවාගේ තේජස හුඟක් ශ්රේෂ්ඨයි.+
6 යෙහෝවා කොයි තරම් උසස් වුණත්නිහතමානී අය ගැන ඔහු සැලකිලිමත් වෙනවා.+ඒත් උඩඟු අයගෙන් ඔහු ඈත් වෙලා ඉන්නවා.+
7 අනතුරු මැදින් මට යන්න වුණත් ඔබ මගේ ජීවිතය රැක දෙනවා.+
කේන්තියෙන් ඉන්න මගේ සතුරන්ට විරුද්ධව ඔබ ඔබේ අත දිගු කරනවා.ඔබේ දකුණතින් ඔබ මාව ගලවගන්නවා.
8 මං වෙනුවෙන් අරමුණු කරපු හැම දේම යෙහෝවා ඉටු කරනවා.
යෙහෝවා දෙවියනි, ඔබේ ඉමහත් ආදරය කවදාවත් වෙනස් වෙන්නේ නැහැ.+ඔබේම දෑතින් නිර්මාණය කරපු දේ* අත්හරින්න එපා දෙවියනි!+
පාදසටහන්
^ හෝ සමහරවිට, “අනිත් දෙවිවරුන්ට විරුද්ධ වෙමින් මම ඔබ වෙනුවෙන් සංගීතය වාදනය කරකර ගායනා කරනවා.”
^ හෝ, “ශුද්ධස්ථානය.”
^ හෝ සමහරවිට, “ඔබේ පොරොන්දු ඔබේ නමටත් වඩා ශ්රේෂ්ඨයි කියලා ඔබ පෙන්වලා තියෙනවා.”
^ මූ.අ., “දෑතේ ක්රියා.”