ගීතාවලිය 14:1-7
සංගීත අධ්‍යක්ෂක වෙත. දාවිත් රචනා කරපු ගීයක්.
14 අඥානයා වැඩ කරන්නේ ‘යෙහෝවා නැහැ’ කියලා හිතාගෙනයි.+
ඔවුන්ගේ ක්‍රියා දුෂ්ටයි. ඔවුන් හැසිරෙන්නේ හරිම පහත් විදිහට.යහපත් දේ කරන කිසිම කෙනෙක් නැහැ.+
2 යෙහෝවා දෙවියන් ස්වර්ගයේ ඉඳන් මිනිසුන් දිහා බලාගෙන ඉන්නවා.යෙහෝවාගේ මඟ පෙන්වීම් පතන, අවබෝධයෙන් වැඩ කරන කෙනෙක්ඉන්නවාද කියලා ඔහු හොයලා බලනවා.+
3 ඒත් යහපත කරන කිසිම කෙනෙක් නැහැ.එක් කෙනෙක්වත් නැහැ.
හැම කෙනෙක්ම දුෂ්ටයි.ඔවුන් හරි දේ කරන එක අත්හැරලා දාලා.+
4 ඒ එක් කෙනෙක්ටවත් කිසිම අවබෝධයක් නැද්ද?
ඔවුන් රොටි කනවා වගේ මගේ සෙනඟව කාලා දානවා.
ඔවුන් යෙහෝවාගෙන් මඟ පෙන්වීම් පතන්නේ නැහැ.
5 ඒත් ඔවුන්ගේ හිත් බයෙන් සලිත වෙයි.+මොකද යෙහෝවා දෙවියන් ඉන්නේ ධර්මිෂ්ඨයන්ගේ පැත්තේ.*
6 දුෂ්ටයෙනි, ඔබ අසරණයන්ගේ සැලසුම් කඩාකප්පල් කරන්න හදනවා.ඒත් ඔවුන්ගේ රක්ෂස්ථානය යෙහෝවායි.+
7 ඊශ්‍රායෙලයේ ගැලවීම සියොන් වෙතින් ලැබෙන්න කියලා මමපතනවා!+
වහලුන් වෙලා ඉන්න තමන්ගේ සෙනඟව යෙහෝවා ආයෙත් එකතු කරද්දී,යාකොබ් සතුටු වෙන්න! ඊශ්‍රායෙල් ප්‍රීතියෙන් ඉපිල යන්න!
පාදසටහන්
^ මූ.අ., “ධර්මිෂ්ඨයන්ගේ පරම්පරාව එක්ක.”
