ගීතාවලිය 148:1-14
148 යාහ්ට ප්‍රශංසා කරන්න!*
ස්වර්ගයේ ඉන්න සියල්ලෙනි, යෙහෝවාට ප්‍රශංසා කරන්න.+උස් තැන්වල ඉන්න සියල්ලෙනි, ඔහුට ප්‍රශංසා කරන්න.
2 ඔහුගේ සියලු දූතයෙනි,+
ඔහුගේ මුළු සේනාවෙනි, ඔහුට ප්‍රශංසා කරන්න.+
3 හිරුත් සඳුත්, ඔහුට ප්‍රශංසා කරන්න.
බැබළෙන තාරකාවෙනි, ඔහුට ප්‍රශංසා කරන්න.+
4 ඉමක් කොනක් නැති අහස්තලයෙනි,වැහි වලාවෙනි, ඔහුට ප්‍රශංසා කරන්න.
5 ඒ සියල්ල යෙහෝවාගේ නමට ප්‍රශංසා කරනු ලැබේවා!මොකද ඔහු අණ දීලා ඒවා නිර්මාණය කළා.+
6 ඔහු ඒවා සදාකාලයෙන් සදාකාලයටම පවතින්න සලස්වනවා.+කවදාවත් පහ වෙන්නේ නැති නියමයක් ඔහු දීලා තියෙනවා.+
7 පොළොවේ ඉන්න සියල්ලෙනි,මුහුදේ ඉන්න දැවැන්තයෙනි, ගැඹුරු දිය දහරාවෙනි,යෙහෝවාට ප්‍රශංසා කරන්න.
8 අකුණු සහ හිම කැට වර්ෂාවෙනි, හිම සහ ගන වලාවෙනි,ඔහුගේ අණ ඉටු කරන චණ්ඩ මාරුතයෙනි,+ ඔහුට ප්‍රශංසා කරන්න.
9 කඳු හෙල් සියල්ලෙනි,+දේවදාර ගස් සහ පලින් බර වුණ ගස් සියල්ලෙනි,+ ඔහුට ප්‍රශංසා කරන්න.
10 වනසතුන්+ සහ හීලෑ සත්වයෙනි,කුඩා සතුන්* සහ පියාසර කරන කුරුල්ලෙනි, ඔහුට ප්‍රශංසාකරන්න.
11 පොළොවේ රජවරුනි, හැම ජාතියකටම අයිති ජනයෙනි,අධිපතීන් සහ පොළොවේ විනිශ්චයකරුවෙනි, ඔහුට ප්‍රශංසාකරන්න.+
12 තරුණයෙනි, තරුණියෙනි,*බාල මහලු සියල්ලෙනි, ඔහුට ප්‍රශංසා කරන්න.
13 ඔවුන් හැමෝම යෙහෝවාගේ නමට ප්‍රශංසා කරනු ලැබේවා!මොකද අනිත් හැම නමකටම වඩා ඔහුගේ නම උසස්.+
ඔහුගේ තේජස අහසටත් පොළොවටත් ඉහළින් නැඟ යනවා.+
14 ඔහු තමන්ගේ සෙනඟගේ ශක්තිය* වැඩි කරනවා.එහෙම කරලා ඔහුට ළං වෙලා ඉන්න ඊශ්‍රායෙල් සෙනඟට,ඔහුට විශ්වාසවන්තව ඉන්න ඒ හැමෝටම,ගෞරවය, ප්‍රශංසාව ලැබෙන්න සලස්වනවා.
යාහ්ට ප්‍රශංසා කරන්න!*
පාදසටහන්
^ හෝ, “හලෙලූයා.” “යාහ්” කියන්නේ යෙහෝවා කියන නම කෙටියෙන් කියන විදිහක්.
^ මෙතන පාවිච්චි කරලා තියෙන හෙබ්‍රෙව් වචනයෙන් මීයන්, උරගයන්, කෘමීන් ඇතුළු බඩ ගාගෙන යන අනිත් සත්තු අදහස් වෙනවා.
^ මූ.අ., “කන්‍යාවෙනි.”
^ මූ.අ., “අඟ.”
^ හෝ, “හලෙලූයා.” “යාහ්” කියන්නේ යෙහෝවා කියන නම කෙටියෙන් කියන විදිහක්.
