ගීතාවලිය 19:1-14
සංගීත අධ්‍යක්ෂක වෙත. දාවිත් රචනා කරපු ගීයක්.
19 අහස, දෙවියන්ගේ බලය, තේජස ප්‍රකාශ කරයි.+ගුවන්තලය, ඔහුගේ දෑතින් නිර්මාණය කළ දේ ගැන සාක්ෂි දෙයි.+
2 හැම දවාලකම ඒවායින් නැඟෙන ප්‍රශංසා හඬ රැව් පිළිරැව් දෙයි.හැම රාත්‍රියකම ඒ නිර්මාණ ඔහුගේ දැනුම ගැන කියාපායි.
3 ඒවා කතා කරන්නෙවත් වචනයක් පිට කරන්නෙවත් නැහැ.ඒවායින් කිසිම හඬක් ඇහෙන්නෙත් නැහැ.
4 ඒත් ඒවා දෙන සාක්ෂිය* පොළොව පුරාම පැතිරිලා යනවා.ඒවා දෙන පණිවිඩය පොළොවේ කෙළවර දක්වාම දිව යනවා.+
දෙවියන් හිරු වෙනුවෙන් අහස්තලයේ කූඩාරමක් හදලා තියෙනවා.
5 හිරු කුමරු, විවාහ යහනෙන් පිබිදී එන මනාලයෙක් වගෙයි.තරඟයක් දුවන්න නොඉවසිල්ලෙන් බලන් ඉන්න ධාවකයෙක් වගෙයි.
6 හිරු, අහසේ එක් කෙළවරකින් නික්ම ඇවිත්අනිත් කෙළවරින් තම ගමන අවසන් කරනවා.+හිරුරැස් නොවැටෙන තැනක් නැහැ.
7 යෙහෝවාගේ නීතිය පරිපූර්ණයි.+ දුර්වල කෙනාව සවිමත් කරයි.*+
යෙහෝවාගේ සිහිගැන්වීම් විශ්වාසවන්තයි.+ අද්දැකීම් අඩු කෙනාට ප්‍රඥාව දෙයි.+
8 යෙහෝවාගේ නියෝග සාධාරණයි. හිතට සතුටක් ගෙන දෙයි.+යෙහෝවාගේ ආඥා පවිත්‍රයි. ඇස් දීප්තිමත් කරයි.+
9 යෙහෝවා ගැන ගරුබියක්+ ඇති වෙන එක හැම අතින්ම පවිත්‍රයි.*
ඒ ගරුබිය සදහටම පවතිනවා.යෙහෝවා දෙන තීන්දු නිවැරදියි. ඒවාවල කිසිම දෝෂයක් නැහැ.+
10 ඒ හැම දේම රන්වලටත් වඩා වටිනවා.පවිත්‍ර රන් සාගරයක්වත් ඒ තරම් වටින්නේ නැහැ.+ඒවා මීපැණිවලට වඩා රසවත්.+මීවදයෙන් වෑස්සෙන මීපැණිවත් ඒ තරම් මිහිරි නැහැ.
11 ඒවා ඔබේ සේවකයාව අනතුරුවලින් ආරක්ෂා කරනවා.+ඒවා පිළිපැදීමෙන් ආශීර්වාද නොඅඩුව ලැබෙනවා.+
12 තමන් කරන හැම වරදක්ම තේරුම්ගන්න පුළුවන් කාටද?+
දෙවියනි, නොදැනුවත්ව මගේ අතින් වුණ වැරදිවලට මට සමාවෙන්න.
13 මට අයිති නැති දේවල් කරන එකෙන් ඔබේ සේවකයා වන මාව වළක්වන්න.+මාව පාලනය කරන්න ඒ වගේ උඩඟු දේවල්වලට ඉඩ දෙන්න එපා.+
එතකොට නිර්දෝෂ ජීවිතයක් ගත කරන්නත්+බරපතළ වැරදි නොකර ඉන්නත් මට පුළුවන් වෙයි.*
14 මගේ පර්වතයත්+ මගේ ගැලවුම්කරුත්+ වන යෙහෝවා දෙවියනි,මගේ මුවින් පිට වෙන වචනත් මගේ සිතුවිලිත් හැමදාමත් ඔබට ප්‍රසන්නව තිබේවා!+
පාදසටහන්
^ හෝ සමහරවිට, “මනින ලණුව.”
^ හෝ, “කෙනෙක්ව හරි මාර්ගයට ගනියි.”
^ හෝ, “යහපත්.”
^ හෝ, “මගේ වැරදි අඩු කරගන්න පුළුවන් වෙයි.”
