ගීතාවලිය 25:1-22
දාවිත් රචනා කරපු ගීයක්.
א [ආලෙෆ්]
25 යෙහෝවා දෙවියනි, මං උදව් ඉල්ලන්නේ ඔබගෙන්.*
ב [බේත්]
2 මගේ දෙවියනි, මං විශ්වාසය තියන්නේ ඔබ මතයි.+අනේ, මාව ලැජ්ජාවට පත් වෙන්න ඉඩ දෙන්න එපා.+මගේ දුකේදී මගේ සතුරන්ට හිනා වෙන්න ඉඩ දෙන්න එපා.+
ג [ගීමෙල්]
3 ඔබ ගැන බලාපොරොත්තු තියන කිසිම කෙනෙක් ලැජ්ජා වෙන්නේ නැහැ.+ලැජ්ජාවට පත් වෙන්නේ කිසිම හේතුවක් නැතුව ද්‍රෝහිකම් කරන අයයි.+
ד [දාලෙත්]
4 යෙහෝවා, ඔබ කැමති මාර්ගය මට පෙන්වලා දෙන්න.+ඔබ පෙන්වන මාර්ගයේ යන්න මට උගන්වන්න.+
ה [හේ]
5 ඔබේ සත්‍ය වදන්වලට එකඟව ජීවත් වෙන්න මට උදව් කරන්න.+මොකද මට ගැලවීම දෙන දෙවියන් ඔබයි.
ו [වාව්]
දවස පුරාම මම බලාපොරොත්තු තියන්නේ ඔබ ගැනයි.
ז [ෂායින්]
6 යෙහෝවා, ඔබ හැමදාමත්* ඔබේ සේවකයන්ට දයාවෙන් සැලකුවා.ඔවුන්ට නොසැලෙන ආදරයක් පෙන්නුවා.+ දෙවියනි, ඒ දේ සිහි කරන්න.
ח [හෙත්]
7 තරුණ වයසේ මං කරපු වැරදි, ඔබේ නීති කඩ කරපු අවස්ථා මතකයේ තියාගන්න එපා.අනේ යෙහෝවා, ඔබේ නොසැලෙන ආදරය+ සහ යහපත්කම මටත් දකින්න අවස්ථාව දෙන්න.+
ט [ටේත්]
8 යෙහෝවා යහපත්, අවංක දෙවි කෙනෙක්.+
ඔහු පව්කාරයන්ට හරි මඟ කියා දෙන්නේ ඒ නිසයි.+
י [යෝද්]
9 ඔහු යටහත්පහත් අයට හරි දේ* කරන විදිහ පෙන්වලා දෙයි.+ඔහුගේ මාර්ග ගැන ඔවුන්ට කියලා දෙයි.+
כ [කෆ්]
10 යෙහෝවා විශ්වාසවන්තයි. ඔහු හැම වෙලේම ඔහුගේ නොසැලෙන ආදරය දැනෙන්න සලස්වනවා.ඔහුගේ සිහිගැන්වීම්වලට+ කීකරු වෙන, ඔහුගේ ගිවිසුම+ රකින අයට ඔහු සලකන්නේ ඒ විදිහටයි.
ל [ලාමෙද්]
11 අනේ යෙහෝවා, මගේ අතින් වුණේ ලොකු වරදක්.ඒත් ඔබේ නාමය වෙනුවෙන්+ මගේ වරදට සමාව දෙන්න.
מ [මෙම්]
12 යෙහෝවා ගැන ගරුබියක් තියෙන කෙනෙක් ඉන්නවාද?+
තෝරගන්න ඕනෙ මාර්ගය දෙවියන් ඒ කෙනාට කියලා දෙනවා.+
נ [නුන්]
13 ජීවිත කාලේ පුරාම ඔහු යහපත් දේවල් අද්දකිනවා.+ඔහුගේ දරු මුනුපුරන් පොළොව උරුම කරගන්නවා.+
ס [සාමෙක්]
14 යෙහෝවාගේ කිට්ටු යාළුවෙක් වෙන්න පුළුවන් ඔහු ගැන ගරුබියක් තියෙන අයටයි.+දෙවියන් ඒ අයට ඔහුගේ ගිවිසුම ගැන කියලා දෙනවා.+
ע [ආයින්]
15 මගේ ඇස් හැම වෙලේම යොමු වෙලා තියෙන්නේ යෙහෝවා වෙතටයි.+මොකද මං හසු වෙලා ඉන්න දැලෙන් මාව* බේරගන්නේ ඔහුයි.+
פ [පේ]
16 අනේ, මං දිහා බලලා මට කරුණාව පෙන්වන්න.මම තනි වෙලා. මට කාගෙන්වත් උදව්වක් නැහැ.
צ [ට්සාධේ]
17 මට ගණන් කරන්න බැරි තරම් දුක් කරදරවලට මුහුණ දෙන්න වෙලා.+මේ වේදනාව මගේ හිතෙන් අයින් කරන්න දෙවියනි.
ר [රේෂ්]
18 මං විඳින දුක, මගේ වේදනාව දිහා බලලා+මං කරපු හැම වරදකටම මට සමාව දෙන්න.+
19 බලන්න, මට කොයි තරම් සතුරෝ ඉන්නවාද!ඔවුන් මට මොන තරම් වෛර කරනවාද!
ש [ෂින්]
20 අනේ දෙවියනි, මගේ ජීවිතය ආරක්ෂා කරන්න. මාව බේරගන්න.+
මාව ලැජ්ජාවට පත් වෙන්න දෙන්න එපා. මොකද මම රැකවරණය පැතුවේ ඔබගෙන්.
ת [ටාව්]
21 මං ඔබට විශ්වාසවන්තව ඉඳලා හරි දේ කරනවා.ඒක මට ආරක්ෂාවක් වෙන්න කියලා මං පතනවා.+
මොකද මං බලාපොරොත්තු තියන්නේ ඔබ ගැනයි.+
22 අනේ දෙවියනි, ඊශ්‍රායෙල් අද්දකින හැම විපතකින්ම ඔහුව බේරගන්න.
පාදසටහන්
^ හෝ, “මගේ මුළු ජීවිතයම ඔබට භාර දෙනවා.”
^ හෝ, “අතීතයේ ඉඳන්ම.”
^ හෝ, “සාධාරණ විනිශ්චයක්.”
^ මූ.අ., “මගේ දෙපා.”
