ගීතාවලිය 32:1-11
දාවිත් රචනා කරපු ගීයක්. මස්කිල්.*
32 වරදට සමාව ලැබුණ කෙනා සන්තෝෂවත්.දෙවියන් ඔහුගේ වරද මකලා දාන* නිසා ඔහු ඉන්නේ සතුටින්.+
2 වරදකරුවෙක් විදිහට යෙහෝවාගෙන් චෝදනා නොලබන කෙනා සන්තෝෂවත්.+හිතේ කිසිම වංචාවක් නැති කෙනා සන්තෝෂවත්.
3 මගේ වරද ගැන මං නිහඬව හිටපු කාලයේදීදවස පුරාම මට දැනුණ වේදනාව නිසා මගේ ඇටකටු දිරලා ගියා.+
4 ඔබ මං ගැන අසතුටින් හිටපු නිසා දිවා රෑ දෙකේම මගේ හිතට ලොකු බරක් දැනුණා.+
ගිම්හානයේ තද අව්වට තෙතමනය වියළී යනවා වගේ මගේ ශක්තියත් නැති වෙලා ගියා. (සීලාහ්)
5 අන්තිමේදී මම මගේ වරද ගැන ඔබට කිව්වා.කිසි දෙයක් හංගන්නේ නැතුව හැම දේම ඔබට කිව්වා.+
“මං කරපු වැරදි යෙහෝවා ඉස්සරහා පිළිගන්නවා” කියලා මං කිව්වා.+එතකොට ඔබ මගේ වැරදිවලට, පව්වලට සමාව දුන්නා.+ (සීලාහ්)
6 ඔබට විශ්වාසවන්තව ඉන්න හැමෝම ඒක දැකලාඔබේ අනුමැතිය දිනාගන්න අවස්ථාව තියෙන කාලයේදී ඔබට යාච්ඤා කරයි.+
එතකොට මහා ජල කන්දරාවකටවත් ඔවුන් ළඟට යන්න බැහැ.
7 දෙවියනි, ආරක්ෂාව ලබන්න මං හැංගෙන්නේ ඔබ ළඟයි.විපත්තිවලින් ඔබ මාව ආරක්ෂා කරයි.+
ඔබ දෙන ගැලවීම නිසා ප්රීති ඝෝෂා මාව වට කරගනියි.+ (සීලාහ්)
8 ඔබ මට මෙහෙම කිව්වා. “යන්න ඕනෙ මාර්ගය මම ඔබට කියලා දෙන්නම්.
වටහාගැනීමේ හැකියාවත් මම ඔබට ලබා දෙන්නම්.+මම ඔබ දිහා හොඳින් බලන් ඉඳලා ඔබට අවවාද කරන්නම්.+
9 ඒත් දැනුම් තේරුම් නැති අශ්වයෙක් වගේවත් කොටළුවෙක් වගේවත් වෙන්න එපා.+උන්ව ඔබ ළඟට ගන්න නම් කටකලියාවක් හරි පටියක් හරි දාලා උන්ව මෙල්ල කරන්න ඕනේ.”
10 දුෂ්ටයන්ට හුඟක් වේදනා විඳින්න වෙනවා.ඒත් යෙහෝවාව විශ්වාස කරන කෙනාට ඔහුගේ නොසැලෙන ආදරේ අද්දකින්න ලැබෙනවා.+
11 ධර්මිෂ්ඨයෙනි, යෙහෝවා නිසා සතුටින් ඉපිල යන්න.අවංක හදවත් ඇති සියල්ලෙනි, සතුටින් හඬ නඟන්න.