ගීතාවලිය 34:1-22
දාවිත් අබිමෙලෙක් ඉස්සරහා සිහිවිකල් වුණ කෙනෙක් විදිහට හැසිරුණ වෙලාවේ+ ඔහු දාවිත්ව එතනින් පන්නලා දැම්මා. මේ, ඒ ගැන දාවිත් රචනා කරපු ගීයක්.
א [ආලෙෆ්]
34 මම හැම වෙලාවකම යෙහෝවාට ප්‍රශංසා කරනවා.මගේ තොල්වලින් මම නිතරම ඔහුට ප්‍රශංසා කරනවා.
ב [බේත්]
2 මම යෙහෝවා ගැන ආඩම්බරයෙන් කතා කරනවා.+නිහතමානී අය ඒක අහලා සතුටු වෙයි.
ג [ගීමෙල්]
3 මාත් එක්ක එකතු වෙලා යෙහෝවාට ප්‍රශංසා කරන්න.+අපි එකතු වෙලා ඔහුගේ නම ගෞරවයට පත් කරමු.
ד [දාලෙත්]
4 මම යෙහෝවා දෙවියන්ගෙන් උදව් ඉල්ලද්දී ඔහු මට සවන් දුන්නා.+
මම බයෙන් හිටපු හැම දේකින්ම ඔහු මාව නිදහස් කළා.+
ה [හේ]
5 ඔහු ගැන විශ්වාසය තියන අය සන්තෝෂවත්.*ඔවුන් කවදාවත් ලැජ්ජාවට පත් වෙන්නේ නැහැ.
ז [ෂායින්]
6 අසරණ වෙලා හිටපු මම යෙහෝවාට හඬගසද්දී ඔහු මට සවන් දුන්නා.
හැම කරදරයකින්ම ඔහු මාව බේරගත්තා.+
ח [හෙත්]
7 යෙහෝවාගේ දූතයා දෙවියන් ගැන ගරුබියක් තියෙන අය වටේකඳවුරු බැඳගෙන ඔවුන්ව ආරක්ෂා කරනවා.+ ඔහු ඔවුන්ව බේරගන්නවා.+
ט [ටේත්]
8 යෙහෝවා කොයි තරම් යහපත්ද කියලා රස බලලා දැනගන්න.+ඔහුගේ රැකවරණය පතන කෙනා සන්තෝෂවත්.
י [යෝද්]
9 පවිත්‍ර හදවතකින් යෙහෝවාට නමස්කාර කරන සියල්ලෙනි, ඔහු ගැන ගරුබියක් ඇතුව ඉන්න.ඔහු ගැන ගරුබිය තියෙන අයට කිසි දේකින් අඩුවක් වෙන්නේ නැහැ.+
כ [කෆ්]
10 තරුණ සිංහයෝ* වුණත් හාමතේ ඉන්නවා.ඒත් යෙහෝවාගේ මඟ පෙන්වීම් පතන අයට යහපත් දේවලින් කිසිම අඩුවක් වෙන්නේ නැහැ.+
ל [ලාමෙද්]
11 මගේ පුත්‍රයෙනි, ඇවිත් මට ඇහුම්කන් දෙන්න.යෙහෝවා ගැන ගරුබියක් ඇතුව ඉන්න මං ඔබට උගන්වන්නම්.+
מ [මෙම්]
12 ඔබ දිගු කාලයක් ජීවිතේ සතුටින් ගත කරන්න කැමතිද?+
נ [නුන්]
13 එහෙමනම් ඔබේ දිවෙන් නපුරු කතා කියන එකෙනුත්+ඔබේ තොල්වලින් අනුන්ව රවට්ටන එකෙනුත් වළකින්න.+
ס [සාමෙක්]
14 නපුරු දේ ඔබෙන් ඈත් කරගෙන යහපත් දේ කරන්න.+හැම කෙනෙක් එක්කම සමාදානයෙන් ඉන්නත්සාමය රැකගන්නත් ලොකු වෑයමක් දරන්න.*+
ע [ආයින්]
15 යෙහෝවා දෙවියන්ගේ ඇස් ධර්මිෂ්ඨයන් වෙතටත්+ඔහුගේ කන් ඔවුන් හඬමින් කරන කන්නලව්වලටත් යොමු වෙලා තියෙනවා.+
פ [පේ]
16 ඒත් නපුරු දේවල් කරන අයව යෙහෝවා ප්‍රතික්ෂේප කරනවා.ආයේ කවදාවත් ඔවුන් ගැන අහන්නවත් ලැබෙන්නේ නැහැ.+
צ [ට්සාධේ]
17 ධර්මිෂ්ඨයන් හඬ නඟද්දී යෙහෝවාට ඔවුන්ගේ හඬ ඇහුණා.+ඔවුන් අද්දකින හැම පීඩාවකින්ම ඔහු ඔවුන්ව ගලවගත්තා.+
ק [කෝෆ්]
18 යෙහෝවා බිඳුණු සිත් ඇති අය ළඟින්ම ඉන්නවා.+තැළුණු හදවත් තියෙන අයව* ඔහු බේරගන්නවා.+
ר [රේෂ්]
19 ධර්මිෂ්ඨයාට හුඟක් දුක් කරදරවලට* මුහුණ දෙන්න වෙනවා.+ඒත් යෙහෝවා දෙවියන් ඒ හැම දුකකින්ම ඔහුව ගලවගන්නවා.+
ש [ෂින්]
20 දෙවියන් ඔහුගේ ඇටකටු සියල්ල ආරක්ෂා කරනවා.ඔහු ඒ එකක්වත් බිඳෙන්න දෙන්නේ නැහැ.+
ת [ටාව්]
21 ධර්මිෂ්ඨයාට වෛර කරන අයව වැරදිකරුවන් විදිහට තීන්දු කරයි.විපත්ති නිසා දුෂ්ටයා මරණයට පත් වෙයි.
22 ඒත් යෙහෝවා තමන්ගේ සේවකයන්ගේ ජීවිත බේරගන්නවා.ඔහුගේ රැකවරණය පතන කිසි කෙනෙක්වැරදිකරුවන් විදිහට දඬුවම් ලබන්නේ නැහැ.+
පාදසටහන්
^ හෝ, “ඔහුගේ මඟ පෙන්වීම් පතපු අය ආලෝකය ලැබුවා.”
^ හෝ, “කේශර සිංහයෝ.”
^ මූ.අ., “සාමය හොයාගෙන ඒක ලුහුබඳින්න.”
^ හෝ, “අධෛර්යය වුණ අයව.”
^ හෝ, “විපත්තිවලට.”
